Kún tártibi talqylandy

Keshe Qasym-Jomart Toqaevtyń tóraǵalyq etýimen Parlament Senaty bıýrosynyń otyrysy boldy. Onda Májilisten túsken zań jobalary bólinip berildi, dep habarlady osy palatanyń baspasóz qyzmeti. Áleýmettik-mádenı damý jáne ǵylym komıteti «Balalardy den­­saýlyǵy men damýyna zııan tıgi­zetin aqparattan qorǵaý týraly»; «Qazaqstan Respýblıkasynyń keı­bir zańnamalyq aktilerine balalar­dy densaýlyǵy men damýyna zardabyn tıgizetin aqparattan qorǵaý máseleleri boıynsha ózge­rister men tolyqtyrýlar engizý týraly»; «Qazaqstan Respýb­lıka­synyń keıbir zańnamalyq akti­lerine densaýlyq saqtaý másele­leri boıynsha ózgerister men tolyqtyrýlar engizý týraly» zań jobalaryn odan ári pysyqtaý jáne qorytyndy ázirleý úshin bas komıtet bolyp belgilendi. Konstıtýsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasynyń keıbir zańna­malyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly» zań jobasy boıynsha bas komıtet bolyp belgilendi. Bıýro otyrysy barysynda pa­latanyń 2015 jylǵy 22 qańtar­da­ bolatyn kezekti otyrysynyń kún tártibi boıynsha usynystar ­en­­gi­zildi. Otyrysta «Memlekettik jas­­­­tar saıasaty týraly» jáne ­«Qa­­­­­­zaqstan Respýblıkasynyń Eń­­bek­­­­­ ko­­dek­sine ózgeris pen tolyq­­tyrý en­­­gi­zý týraly» (birinshi oqy­lym) zań­ jobalaryn qaraý jospar­landy.