Ujymdyq qaýipsizdik máseleleri talqylandy

Elimizdiń SIM basshysy otyrys­qa qatysýshylardy UQShU for­matyndaǵy yntymaqtastyq máse­lelerindegi Qazaqstannyń usta­nymy men kózqarastary, birin­shi jartyjyldyqtaǵy uıym­­ǵa Qazaqstan tóraǵalyǵy­nyń basymdyqtaryn iske asyrý barysy týraly habardar etti. Osy yntymaqtastyqty odan ári jan-jaqty damytýǵa baǵyt­talǵan birqatar usynys aıtqan SIM basshysy UQShU ujym­dyq qaýipsizdikti qamtamasyz etýge baǵyttalǵan tıimdi jáne sura­nysqa ıe halyqaralyq qury­lym retinde áreket eteti­nin jetkizdi. «UQShU búginde ujym­­dyq qaýipsizdikti qamta­ma­syz etýge baǵyttalǵan tıim­di jáne suranysqa ıe halyq­aralyq qurylym retinde áre­ket etedi. Shaǵyn quramda árip­tes­termen halyqaralyq pen óńir­lik ahýaldyń damý úrdisterin jáne onyń UQShU-ǵa múshe memleketterdiń qaýip­siz­digine áserin jan-jaqty talqyladyq. Pikir almasý ózekti syn-qaterler men ujymdyq qaýipsizdik qaterleriniń jolyn kesýge bárimiz múddeli ekenimizdi kórsetti», dedi Murat Nurtileý.

Sondaı-aq mınıstr Aýǵanstan men Taıaý Shyǵystaǵy ahýalǵa toq­taldy. Taıaý Shyǵystaǵy daǵ­darys­tyń jalǵyz sheshimi – Palestına memleketin qurý. «Aýǵanstan men Taıaý Shyǵystaǵy ahýaldyń qazirgi jaǵdaıy men damý keleshegi bo­ıynsha baǵalaýlar sa­lys­tyryldy. Kópjyldyq qaq­ty­ǵystyń jalǵyz sheshimi Shyǵys Ierýsalımde astanasy or­na­lasqan 1967 jylǵy shekarada Palestına memleketin qurý ekenine senimdimiz. Jalpy, BUU Jar­ǵysy men halyqaralyq qu­qyq­­tyń jalpyǵa birdeı tanyl­ǵan normalary negizinde barlyq daýdy beıbit jolmen sheshýge shaqyramyz», dep atap ótti Murat Nurtileý.

Osy jyldar ishinde syrtqy saıası ózara is-qımyl salasyn­da úlken tájirıbe jınaq­tal­dy, syn-qaterler men qaýipter­ge qarsy kúrestiń tıimdi ádis­teri belgilenip, normatıvtik-quqyqtyq baza qalyptastyryldy, ujymdyq qaýipsizdiktiń qajetti kúshteri men quraldary jumys istep jatyr. UQShU-da terrorızmge qarsy kúres máseleleri boıynsha Aýǵanstan bıligimen neǵurlym naqty dıalog qurý qajettiligi týraly pikir basym.

RF SIM basshysy Sergeı Lavrov Aýǵanstan aýmaǵynan keletin qaýipterge nazar aýdarýdy alǵa tartqanyn, eldi is júzinde baqylaıtyn Talıban úkimetimen naqty dıalog jobalaryn iske asyrýǵa neǵurlym turaqty, pándik baǵyttalǵan dıalogti jolǵa qoıýdy jaqtaıtynyn aıtty. Sondaı-aq ol Taıaý Shyǵys pen Soltústik Afrıka aı­maq­taryn­daǵy jaǵdaıǵa túsi­ni­kteme berdi. Ondaǵy problemalar, onyń aıtýynsha, birqatar qaqtyǵystyń, eń aldy­men,  Palestına-Izraıl qaqtyǵysyn­daǵy jaǵdaıdyń rettelmeýinen týyndap otyr­ǵanyn aıtty.

«Bul úderisterdiń bir ushy irgeles aýmaqtarǵa tıetini anyq, terro­rıster Eýropa baǵytyn­da, kórshi­lerimizge, eń aldy­men, Orta­lyq Azııa men Kavkazǵa qaraı jyl­jıdy. Sondyqtan biz bul baǵyt­ty muqııat qadaǵa­lap, Qaýip­sizdik Keńesi men BUU Bas Assamb­leıasynyń sheshim­deri negizinde jaǵdaıdy turaqtan­dyrýǵa, ony saıası sheshimderge aýdarýǵa úles qosýǵa tyrysamyz», dep sózin qorytyndylady S.Lavrov.

Syrtqy ister mınıstrleri­niń keńeıtilgen quramdaǵy kezdesýinen keıin Ujymdyq qaýipsizdik týraly shart uıymy­nyń Bas hatshysy Imanǵalı Tasmaǵambetov jýrnalısterdiń Armenııa Respýb­lıkasynyń uıymǵa músheligi týraly sura­ǵyna jaýap berdi. I.Tas­ma­ǵam­betov Armenııanyń saıası basshylyǵy eldiń uıym­ǵa qaty­sý keleshegin naqtylaǵan jaǵ­daıda UQShU-nyń barlyq qatysýshysy úshin paıdaly bolatynyn atap ótti. «Armenııa bizdiń odaqtasymyz boldy jáne bolyp qala beredi, bizdiń Armenııa al­dyn­daǵy barlyq mindettememiz kúshinde qalady», dedi ol jýrnalıstermen kezdesken kezde.

UQShU-ǵa múshe memle­ket­ter­diń syrtqy saıası vedomstvo­larynyń basshylary halyqaralyq jáne óńirlik jaǵdaı, sondaı-aq onyń uıym elderiniń qaýipsizdigine áseri týraly pikir almasty.

Jıyn qorytyndysynda mınıstr­ler tájik-aýǵan shekarasyn nyǵaıtý jónindegi nysanaly memleketara­lyq baǵdarlamanyń jobasyn, son­daı-aq UQShU aıasynda bitimgershilik, qarjy-uıymdastyrý qyzmeti jáne halyqaralyq sharttardyń jobalaryn ázirleý salasyndaǵy birqatar qujatty maquldady.

Jıyn barysynda UQShU Bas hatshysy Imanǵalı Tasmaǵam­betovtiń bastamasymen birqatar qujatqa qol qoıyldy. Olar – Ǵarysh keńistigin beıbit maqsat­ta paıdalaný, Aqparattyq qaýip­­sizdik salasyndaǵy ynty­maqtas­tyq, Taıaý Shyǵys pen Soltús­tik Afrıkadaǵy jaǵdaı jáne Be­lo­rýssııanyń nasıstik basqyn­shy­lardan azat etilýiniń 80 jyldy­ǵyna arnalǵan málim­deme­ler. Sondaı-aq UQShU SIM mı­nıstr­leri 2013 jyldan beri at­qary­lyp kele jatqan UQShU-nyń tájik-aýǵan shekarasyn ny­ǵaı­tý jónindegi maqsatty memle­ketaralyq baǵdarlamany bekitti.

Jıyn aıaǵynda kelesi otyrys­tyń ýaqyty belgilendi. UQShU SIM keńesiniń kelesi otyrysy bıyl qarasha aıynda UQShU Ujymdyq Qaýipsizdik keńesiniń sessııasy qarsańynda Astanada ótedi.

ALMATY