Foto:massaget.kz
«Búginde árbir besinshi azamat memleketten áleýmettik qoldaý alady. Sıfrlyq ónimderdi engizý - qyzmetterdiń qoljetimdiligin arttyrady. О́tken jyly bul saladaǵy sıfrlandyrý nátıjeleri halyqaralyq ınstıtýttar, Birikken Ulttar Uıymy tarapynan oń baǵalanyp, ózge elderge úlgi boldy. Búginde áleýmettik qoldaýdyń basym bóligi (27 túri) proaktıvti formatta júzege asyrylyp jatyr», dedi Tamara Dúısenova.
Vıse-premer Memleket basshysynyń byltyrǵy joldaýynda jarııalanǵan jáne depýtattardyń qoldaýyna ıe bolǵan zııandy eńbek jaǵdaılary bar jumysshylarǵa arnalǵan arnaıy ústemaqy jyl basynan beri tólene bastaǵanyn eske saldy.
Sondaı-aq Vıse-premer saýaldardyń basym bóligi múmkindigi shekteýli jandarǵa qatysty ekenin aıtty. Bul salada áleýmettik tólemderdiń barlyq túrleri, ıaǵnı múgedektik boıynsha járdemaqy, múgedek balaǵa nemese azamatqa kútim jasaý járdemaqysy, ótemaqy jabdyqtaryna qarajat tolyǵymen sheshilgenin atap ótti.
«Memlekettik bıýdjetten bólingen qarjy kólemi - 320 mlrd teńge (273,3 mlrd teńge – respýblıkalyq bıýdjet jáne áleýmettik saqtandyrý qory, 46,3 mlrd teńge – jergilikti bıýdjet), 800 myńǵa jýyq azamatqa qoldaý kórsetilip jatyr», dep túıindedi Tamara Dúısenova.
