Jańa jınaq tanystyryldy

Memleket basshysy «Ornyqty damý maqsattaryna qol jetkizý jolyndaǵy pro­gresti jedeldetýdiń negizgi ótpeli úde­ris­terge qatysty aýqymdy is-qı­myl­dardy jandandyrý» atty Kóshbas­shylar dıaloginiń birinshi sessııasynda sóı­legen sózinde ulttyq strategııalar men baǵdarlamalardy ázirleý kezinde or­nyqty damý qaǵıdattarynyń ma­ńy­zy zor ekenin atap ótti. Memle­ket bıýd­jeti­niń 80 paıyzy ornyq­ty damý maqsattaryna saı keledi.

ODM-ǵa qol jetkizý máselelerine ar­nalǵan materıaldar jınaǵy – taldaý­shy­­lar men mentorlardyń «Taldaý mek­tebi – Shkola analıtıkı» jobasy­nyń oqy­tý kýrsy aıasyndaǵy toptyq jumysy­nyń qorytyndysy. Onyń nátıje­leri or­talyq jáne óńirlik deńgeıler­de nazar­ǵa alynady. Jınaqta talqylan­ǵan maq­­sattar kedeılikti joıý, densaý­lyq saq­­taý men bilim deńgeıin art­tyrý, sý sapa­syn jaqsartý jáne ekonomıkalyq ósý máse­lelerine qatysty ekenin atap ótken jón.

«Prezıdent Qasym-Jomart Toqaevtyń tapsyrmasymen Parlament Úkimetpen, azamattyq qoǵamdastyqpen jáne sarapshylarmen birge Or­nyq­ty damý maqsattaryn iske asyrý baǵytynda júıeli jumys júrgizip keledi. Biz Ornyqty damý salasyndaǵy ulttyq maq­sattar men mindetterdiń iske asyry­lýyna monıtorıng júrgizý jónin­degi Parlamenttik komıssııa aıasyn­da Birikken Ulttar Uıymynyń qury­lym­darymen belsendi baılanys ornattyq. Osy turǵydan kelgende, Taldaý mek­tebiniń taqyryby atalǵan baǵytpen úndes ekenin aıta ketken jón. Aldaǵy ýaqytta jaryq kórip otyrǵan jınaq múddeli memlekettik organdarǵa, taldaý ortalyqtaryna jáne ýnıversıtetterge jiberiledi», degen Palata spıkeri Máýlen Áshimbaev qatysýshylarǵa jobanyń ıdeıasyn qoldaǵandary úshin alǵys bildirdi.

Sonymen qatar sarapshylar Mem­leket basshysynyń tapsyrmasymen qurylǵan Ornyqty damý salasyndaǵy ulttyq maqsattar men mindetterdiń iske asyrylýyna monıtorıng júrgizý jónindegi Parlamenttik komıssııa aıasynda ornyqty damýdyń qalǵan maqsattary boıynsha da jobalar ázir­leý jáne birlesip jumys isteý baǵy­tyndaǵy bastamalardy talqylady.

Jınaqty tanystyrý barysynda BUU-nyń Qazaqstandaǵy Turaqty úıles­­tirýshisi Mıkaela Frıberg-Storı, ekono­­mıst Almas Chýkın, medıa-menedjer El­mar Mýrtazaev jáne taǵy basqa sarap­shylar sóz sóılep, usynystaryn bildirdi.

«Taldau talks» dıalog alańynyń alǵashqy otyrysy bıyl naýryz aıynda ótti. Ol kezde is-sharaǵa arnaıy shaqyrylǵan spıker Ortalyq Azııa taqyryby boıynsha belgili amerılyq maman Frederık Starr sóz sóılegen edi.