Taý týrızmi damyp keledi

Almaty oblysynyń Raıymbek aýdanyn betke alǵan týrısterdiń «Shoǵansaı», «Hantáńiri» men «Aq kól» dep atalatyn ataqty demalys oryndaryn kórmegenderi kemde-kem. Mundaǵy qaraǵaıly shatqaldar men kóz jaýyn alatyn myń túrli ósimdikter adam janyn rahat sezimge bóleri sózsiz. Sondyqtan aýdannyń kásipkerleri alys-jaqynnan keletin týrısterge qazaqy qonaqjaılylyq pen suranysqa saı servıstik qyzmet kórsetýdiń sapasyn jaqsartýǵa umtylýda. Kókpen talasqan qara­ǵaıly taýlardyń arasynda tigilgen aqboz úılerde sary qymyz sapyryp, ystyq baýyrsaq usynýdan bas­talatyn qyzmet túrleri túrlenip, taban tiregen týrıster tabıǵattyń kórkem kórinisin qyzyqtaýmen qatar, ulttyq taǵamdarymyzdan dám tatyp, ádet-ǵurpymyzdy ta­nýy­na múkindik jasalǵan. Bul qadam otandyq týrızmdi ilgeriletýge mol múmkindik berýde.

«Shoǵansaı» ekotýrızm or­ta­l­yǵy týrıstik áleýetin art­tyrýǵa 300 mln teńge kóleminde ınvestısııa salyp otyr. Kásiptiń alǵa jyljýynyń arqasynda 20-ǵa taıaý aýyl turǵyndary turaq­ty jumyspen qamtylyp, aýdan bıýdjetine 1 mln teńgege jýyq salyq quıyldy. Bul aýy­­ly­myz­dyń áleýmettik-ekonomı­ka­lyq damýyna oń serpin berip, kásipkerliktiń keńeıýine yqpal etýde», deıdi Jambyl aýyldyq okrýginiń ákimi Roman Qoılybaev.

О́ńirde 30 jyldan astam ýaqyt úzdiksiz jumys istep kele jatqan ekoortalyqtyń jetekshisi Sársenhan Berikbaeva týyp-ósken ólkesiniń taý-tasy men qaraǵaı-shyrshasyn, saf aýa, móldir sýyn týrızm kózine aınaldyrýda tabandylyq tanytyp keledi.

«Táýelsizdiktiń alǵashqy jyl­dary osy jerge kelip, úı tigip, kishigirim sharýashylyqpen aı­nalystyq. 2007 jyldan bastap, jerdi jalǵa alyp, 2 qazaq úı tigip, kisi kútip, tabys tabýdyń ne­gizi qalana bastady. Odan keıingi 7 jyldyqta jaryq tartylyp, aǵashtan qonaqúı saly­nyp, tamaqtaný orny jasalyp, birtindep damı bastaǵan týrıstik ortalyǵymyzǵa kelýshiler qatary jyl ótken saıyn kóbeıip, bul saladaǵy tájirıbemizdi shyńdaı tústi. Otandyq týrızmdi damytýǵa Memleket basshysy da basa nazar aýdaryp, jergilikti bıliktiń qol­daý bildirýiniń arqasynda isi­miz ilgerilep, jyraqta bolsaq ta báse­kelestikte básimiz joǵary bolýyna bar kúsh-jigerimizdi, biliktiligimizdi jumyldyrýdamyz. Nátıjesinde, bıylǵy jyly bir mezette 90 adamdy qabyldaýǵa qaýqarly zamanaýı úlgidegi qonaqúı turǵyzyp, paı­dalanýǵa berildi. Taýly aımaqqa kel­gen týrıster endi jaıly da jaryq bólmelerge ornalasyp, alań­syz tynyǵýyna bolady», deıdi kásipker Sársenhan apa.

Aıtqanyndaı-aq Almaty qa­la­synan 360 shaqyrym qa­shyq­tyqtaǵy taý qoınaýynda ornalasqan «Shoǵansaı – Álisher» jaýapkershiligi shekteýli s­erik­testiginiń ekotýrızmge ar­nalǵan demalys orny bıyl ja­ńasha sıpatqa ıe bolýymen erekshelenedi. Onda jaıly qonaqúıler boı kó­terip, jaz maýsymyna arnal­ǵan qazaq úıler tigilip, keń de jaryq tamaqtaný oryndary ju­mysyn bastaǵan. Eń bastysy, densaýlyǵyn nyǵaıtýdy kózdegen demalýshylarǵa «Saýmal terapııasy» men ulttyq taǵam túrleri usynylady.

Sonymen qatar taý bókte­rindegi demalys ornynda zamanaýı monsha men basseın baryna biri sener, biri senbesi anyq. Al demalysyn qyzyqty ótkizýdi dittegen jandarǵa bılıard, shahmat, narda oınaýǵa arnalǵan oıyn zaldary jasaqtalǵan. Bul óńirge kelgen týrısterdiń basty armany – ataqty Hantáńiri shyńyn kórýi úshin atpen jáne jol talǵamaıtyn kólikpen qarsy bettegi taýǵa shyǵyp, tamashalaýyn uıymdastyrýy ekoor­talyqtyń utqyrlyǵy bolyp tabylady.

Týrıstik ortalyq basshysy Sársenhan apanyń aıtýynsha, atalǵan demalys ornyna elimizdiń túkpir-túkpirinen jáne alys-jaqyn shetelderden keletin tu­raqty demalýshylar kóp kórinedi.

Almaty oblysy