Foto: primeminister.kz
Qazirgi ýaqytta qytaılyq kompanııanyń qatysýymen respýblıkalyq mańyzy bar avtojoldardy rekonstrýksııalaý boıynsha iri ınfraqurylym jobalary iske asyrylyp jatyr. Atap aıtqanda, jalpy uzyndyǵy 1 131 km bolatyn «Taldyqorǵan – О́skemen» jáne «Qaraǵandy – Balqash» trassalarynyń 24 ýchaskesinde qurylys-montaj jumystary júrgizilip jatyr.
Búgingi tańda «Taldyqorǵan – О́skemen» avtojolynda 768 km-diń 748 shaqyrymynda tómengi jabyn qabaty boıynsha qozǵalys ashyldy, jol jabynynyń joǵarǵy qabaty boıynsha qalǵan jumys 48%-dy quraıdy; «Qaraǵandy – Balqash» trassasy boıynsha barlyq 363 km boıy jabynnyń tómengi qabaty boıynsha qozǵalys ashyq, jol jabynynyń joǵarǵy qabaty boıynsha qalǵan jumys 49%-dy quraıdy.
Sonymen qatar jol ınfraqurylymyn odan ári jańǵyrtý jónindegi ambısııalyq maqsattardy eskere otyryp, taraptar «CASPI BITUM» BK» JShS zaýytynyń qýatyn jylyna 750 myń tonnaǵa deıin ulǵaıtý jobasyn iske asyrý barysyn qarady. Atalǵan jobany iske asyrý qurylys maýsymy qyzatyn kezeńde bıtýmǵa degen qajettilikti jabady.
Máseleni talqylaý barysynda kezdesýge qatysýshylar aýyl sharýashylyǵy, taza energetıka, qorshaǵan ortany qorǵaý jáne sıfrlyq tehnologııalar salasyndaǵy yntymaqtastyqty damytýǵa daıyn ekendikterin atap ótti.
Aıta keteıik, «CITIC Group» korporasııasy 1979 jyly qurylǵan. CITIC Group Qazaqstanda energetıka, hımııa ónerkásibi, qarjy, ınfraqurylym jáne basqa da salalardaǵy jobalardy iske asyrady.
