Foto:depositphotos.com
«Bıylǵy jyldyń 5 aıynyń qorytyndysy boıynsha respýblıka kásiporyndarynda 626 jumysshy zardap shekti, bul 2023 jyldyń sáıkes kezeńimen salystyrǵanda (518 jumysshy) 20,8 paıyzǵa kóp, onyń ishinde 79 adam qaıtys boldy, bul 29 paıyzǵa artyq. О́tken jyldyń osy kezeńinde 61 jumysshy qaza tapqan edi», dedi Tólegen Ospanqulov Qostanaı oblysyndaǵy óndiristik jaraqattaný máselelerine arnalǵan keńes barysynda.
Onyń aıtýynsha, Qostanaı oblysynda (61 adam zardap shekti), Abaı oblysynda (51 adam), Qaraǵandy oblysynda (44 adam) jáne Almatyda (42 adam) jaraqat alýdyń joǵary deńgeıi saqtalyp tur.
Kelesi kásiporyndarda jumys isteıtin adamdar óndiris oryndarynda eń kóp jaraqat alǵan:
- taý-ken metallýrgııa ónerkásibi – 17 paıyz;
- qurylys ındýstrııasy – 13 paıyz;
- kommýnaldyq qyzmetter – 5 paıyz.
«Qostanaı oblysynda eń kóp zardap shekkender taý-ken metallýrgııa ónerkásibiniń kásiporyndarynda tirkeldi – 14 paıyz, mashına jasaý ónerkásibinde – 9 paıyz. Sonymen qatar jaraqattaný deńgeıi joǵary kásiporyndardyń biri – Qostanaı «Paıdaly qazbalar» AQ. Osy kásiporynda sońǵy 5 jylda 11 adam zardap shekti, onyń bireýi qaıtys boldy», dep tolyqtyrdy Ospanqulov.
