Almaty.tv málimdegendeı, aǵaıyndylardyń úlkeni azdap sóıleı alady. Al mylqaý inisi eńkeıgen kúıde otyra beredi eken. Olardyń qazir turyp jatqan úıi adam shoshyrlyq kúıde,-deıdi eriktiler.
Eki azamat asty tabylsa ǵana jeıdi, bolmasa shıki ónimdermen júrek jalǵaıdy eken. «Maýglı» atalyp ketken eki azamatqa buǵan deıin anasy kútim jasapty.
Alaıda ol 3 kún buryn aýrýhanaǵa túsip, aǵaıyndylar qaraýsyz qalǵan. Atalǵan jaǵdaıdy kózben kórgen jergilikti ákimdik ókilderi azamattarǵa kómektesetin boldy. Olar aldymen ekeýiniń qujatyn túgendemek.
«Anasy emhanadan shyqqan soń, oǵan qamqorshylyqqa taǵaıyndaýǵa qujatyna kómek beriledi. Bala áreket isteýge qabileti joq dep tanylsa, járdemaqy tóleımiz»,-dedi qalalyq jumyspen qamtý jáne áleýmettik baǵdarlamalar bóliminiń basshysy Gaýhar Oljabaeva.
