Foto: Májilistiń baspasóz qyzmeti
Kásipkerler depýtatqa ishki sý tasymaly salasyndaǵy máseleler týraly baıandap berdi.
«Qazflot» jeke kásipkerliginiń basshysy Vıktor Podnebesovtyń aıtýynsha, zaýyt qaramaǵynda toǵyz keme bar. Olar: teplohodtar, barjalar, tartqyshtar jáne ózen krandary. Olardyń jartysy jóndeldi, al qalǵany kúrdeli jóndeýdi qajet etedi. Sonymen qatar birqatar logıstıkalyq máseleler de óz sheshimin taýyp jatyr.
«О́tken jyly Indýstrııa jáne ınfraqurylymdyq damý mınıstrligi elimizdiń úsh sý basseıni – Atyraý, Aral jáne Ertis ózenderiniń kóligi men ınfraqurylymyn qalpyna keltirýge 64 mlrd teńge bólinetinin málimdengen edi. Onyń 27 mıllıard teńgesin Kólik mınıstrligi bıyl sý kóligi men ınfraqurylymdy damytý jáne kútip ustaý baǵytynda ıgerýge tıis», dedi M.Magerramov.
Májilis depýtaty ishki sý tasymalynyń damýy men qaýipsizdiginiń eki quramdas bóligin – jaǵalaýdaǵy kólik ınfraqurylymy men sapaly jóndeý bazasyn qamtamasyz etý qajettigin atap ótti. Munyń barlyǵy Memleket basshysynyń 2023 jylǵy Joldaýynda aıtylǵan kólik-logıstıka salasyn damytý baǵytyndaǵy tapsyrmasyn tabysty iske asyrýǵa yqpal etedi.
«Ellıng PV» seriktestigi – Qazaqstandaǵy jalǵyz keme jóndeý kásiporny. Ony Qazaqstan halyq partııasy fraksııasynyń depýtattary Úkimetke tıisti depýtattyq saýal joldaý arqyly saqtap qaldy deýge bolady. Nátıjesinde Bas prokýratýra birqatar talaptyń buzylǵanyn anyqtady. Olardy joıý úshin mektep salý maqsatymen seriktestiktiń jer ýchaskelerin májbúrlep ıelikten shyǵarý týraly qabyldanǵan burynǵy sheshim joıyldy.
Sonymen qatar Magerram Magerramov ózen flotynyń damýy búkil oblystyń órkendeýinde erekshe ról atqaratynyn aıtyp, otandyq kásipkerlerdi qoldaýdyń mańyzdylyǵyna toqtaldy. О́tken jyly ózen floty bıýdjetke 20 mlrd teńge paıda ákelgen.
