Foto: naryk.kz
Fix Price-tyń AHQO-ǵa redomısılıasııasy osy jyldyń maýsym aıynda ótti. Bul is-shara kompanııa men AHQO arasyndaǵy bir jylǵa jýyq ýaqytqa sozylǵan úılestirý jumystarynyń nátıjesi sanalady.
Fix Price Group holdıngtik kompanııasy jáne onyń jergilikti enshiles uıymdary álemniń 9 elinde Fix Price halyqaralyq brendimen 6,5 myńnan astam dúkendi basqarady, iri qatysý naryqtary – Reseı, Belarýs jáne Qazaqstan. Qazaqstanda jeli «Best Praıs Qazaqstan JShS» jergilikti enshiles kompanııasy arqyly 300-den astam saýda núktesin basqarady jáne 1,9 myń adamdy jumyspen qamtamasyz etedi.
«Ortalyqtyń komplaens salasyndaǵy joǵary standarttary jáne halyqaralyq deńgeıde tanylǵan retteýshi tásilderi bıznesti ıýrısdıksııaǵa tarta otyryp, el ishinde jáne óńirde ádil ári ashyq qarjy naryǵy men kapıtal naryǵyn qamtamasyz etetin jaǵdaılar jasaıdy. Fix Price joǵary kapıtaldandyrylǵan iri jarııa kompanııa retinde AHQO-nyń halyqaralyq kompanııalar úshin qolaıly ıýrısdıksııa retindegi pozısııasyn kúsheıtedi, onyń ishinde aımaqqa jańa ınvestorlar men steıkholderlerdi tartady», dep túsindirdi AHQO Basqarýshysy Renat Bekturov.
Kompanııanyń habarlaýynsha, Qazaqstanǵa redomısılıasııa Fix Price Group-tyń kapıtal men jańa ınvestorlardy tartý múmkindikterin keńeıtedi, qazirgi steıkholderlermen jumys isteý prosesin jeńildetedi. Fix Price Group halyqaralyq kompanııasynyń baǵaly qaǵazdarynyń qosylýy AHQO-nyń óńirdegi mańyzdy qarjy haby retinde odan ári damýyna úles qosady.
Fix Price Group PLC - AHQO-ǵa basqa ıýrısdıksııadan redomısılıasııalanǵan jetinshi kompanııa. Alǵashqy redomısılıasııa 2019 jyly bolǵan, ol kezde Kazakhstan Energy Reinsurance Company Bermýd ıýrısdıksııasynan AHQO-ǵa redomısılıasııalanǵan edi. О́tken jyly Ortalyqqa taý-ken óndirý salasynyń alpaýyty Polymetal International Plc (2024 jylǵy maýsymnan bastap Solidcore Resources plc), sondaı-aq Tselina Capital Limited jáne Cheltenham Group Limited holdıngtik kompanııalary kóship keldi. Bıyl taǵy eki kompanııa kóship keldi, olar – Specta Group Ltd. jáne KAZ Minerals Holding Limited.
