Foto: stat.gov.kz
Qazaqstan Ulttyq statıstıka bıýrosynyń basshysy Maqsat Turlybaev pen QHR Ulttyq statıstıka bıýrosynyń dırektory Kan I myrza qol qoıǵan memorandým eki vedomstvo arasynda turaqty jáne nátıjeli qatynastar ornatýǵa baǵyttalǵan.
Osy qujattyń maqsaty − statıstıkanyń kelesi negizgi baǵyttary boıynsha yntymaqtastyqty damytý:
- Statıstıkalyq júıelerdi jańǵyrtý: statıstıkalyq aqparattyń tıimdiligi men senimdiligin arttyrýǵa baǵyttalǵan derekter ekojúıesin úılestirý jáne basqarý salasynda tájirıbe jáne tehnologııalarmen almasý.
- «Úlken derekterdi» jáne jańa tehnologııalardy paıdalaný: statıstıkalyq tájirıbege ınnovasııalyq tásilderdi engizý boıynsha birlesken kúsh-jiger, sonyń ishinde Jerdi qashyqtyqtan zondtaý derekterin paıdalaný.
- onlaın esep berý platformalaryn qurý boıynsha tájirıbe almasý: resmı statıstıkanyń ashyqtyǵy men qoljetimdiligin arttyrýǵa yqpal etetin statıstıkalyq derekterdi jınaý, taldaý jáne taratý úshin zamanaýı platformalardy ázirleý jáne engizý.
«Memorandýmǵa qol qoıý − bizdiń uıymdar arasynda nátıjeli áriptestik ornatýǵa baǵyttalǵan mańyzdy qadam. Birlesken zertteýlerge qatysý, aqparat almasý jáne bilim berý statıstıkalyq derekterdiń sapasyn arttyrýǵa yqpal etedi jáne strategııalyq sheshimderdi ázirleý úshin qajetti aqparattyń dáldigi men durystyǵyn qamtamasyz etedi», dep atap ótti Qazaqstannyń Ulttyq statıstıka bıýrosynyń basshysy Maqsat Turlybaev.
Eki el sondaı-aq statıstıkalyq eseptilikti, derekterdi jınaý jáne aqparatty taldaý standarttaryn damytýǵa baǵyttalǵan birlesken is-sharalar men baǵdarlamalar josparyn talqylaǵan. Sonymen qatar bolashaqta statıstıka salasynda bilim men tájirıbe almasýǵa yqpal etetin oqytý is-sharalary josparlanyp otyr.
