Foto: Jambyl oblysynyń ákimdigi
О́ńirdegi tótenshe jaǵdaılar departamenti sý sorý jumystary jalǵasyp, 8 shilde saǵat 18:00-degi jaǵdaı boıynsha 128 aýla men 47 úıdiń ishi sýdan tazartylǵanyn habarlady.
«Jańatas qalasyndaǵy eki eldi meken (Maloetajka, Degeres) jaryqqa qaıta qosyldy. Tek «D. Qonaev» atyndaǵy orta mektebine sýdan tazartý jumystarynyń júrgizilýine baılanysty jaryq áli berilmedi. Tótenshe jaǵdaı saldarynan keltirilgen materıaldyq shyǵyndy esepteý boıynsha jumys toby quryldy. 8 shilde, tańerteń ushqyzsyz ushý apparatynyń kómegimen sý deńgeıiniń edáýir tómendegeni anyqtaldy. Adam, mal shyǵyny tirkelmegen», delingen oblys ákimdiginiń habarlamasynda.
Nóser sýynan zardap shekkender úshin 150 adamdy qabyldaýǵa qaýqarly 2 qabyldaý pýnkti jabdyqtaldy.
Tótenshe jaǵdaıdy joıýǵa azamattyq qorǵaý qyzmetterinen 282 adam, 64 tehnıka, 35 motopompa jáne 1 ushqyzsyz ushý apparaty jumyldyrylǵan.
Aıta keteıik, qazirgi ýaqytta «Jańatas–Saýdakent» tas joly ashyq tur.
