Foto: Ulttyq bank
Nomınaly 2000 teńgelik monetada marganes rýdasynyń, mıneraldyń túsin bildiretin kúreń qyzyl túske ıe tantal saqınasy bar. Bul iri ken ornyn Q. Sátbaev Jezdi aýylynyń mańynda taýyp, ıgergen. Marganes Uly Otan soǵysy kezinde brondy tehnıkaǵa arnalǵan bolat qorytpalary óndirisinde keńinen qoldanylyp, KSRO-ǵa marganes keniniń 70%-dan astamyn berip otyrǵan.
Monetalar:
- bıkolorly (dıskisi – 925/1000 synamaly kúmisten, massasy 34 gramm, saqınasy – tantaldan, massasy 40 gramm), monetanyń massasy – 74 gramm, dıametri – 50 mm, sapasy – proof, nomınaly – 2 000 teńgelik, taralymy – 300 (úsh júz) dana;
- melhıor qospasynan (MN 25) daıyndalǵan monetanyń massasy – 15 gramm, dıametri – 33 mm, sapasy – brilliant uncirculated, nomınaly – 200 teńgelik, taralymy – 5000 (bes myń) dana.
Monetalardyń barlyq túri Qazaqstannyń búkil aýmaǵynda óziniń belgilengen qunymen tólemniń kez kelgen túrinde qabyldanýǵa, eldiń barlyq bankinde bank shottaryna esepke alynýǵa, aýdarylýǵa, usaqtalýǵa, aıyrbastalýǵa jatady.
Bıkolorly monetalar memlekettik, orys, aǵylshyn tilderinde QUB nómirli sapa sertıfıkattary bar kádesyı oramynda, al melhıor qospasynan daıyndalǵan monetalar blısterlik oramada shyǵarylady. Kolleksııalyq monetalar Qazaqstan teńge saraıynda daıyndalǵan.
