Foto: olympic.kz
Bul týraly kúres federasııasynyń baspasóz qyzmetinen málim boldy.
«Grek-rım, erkin jáne áıelder kúresi federasııasy» respýblıkalyq qoǵamdyq birlestigi atynan Qazaqstan sportynyń jarqyn juldyzy, KSRO-nyń eńbek sinirgen jattyqtyrýshysy, grek-rım kúresinen Olımpıada oıyndarynyń jeńimpazy, álem chempıony Jaqsylyq Úshkempirovtiń alǵashqy bapkeri Ilmatov Rom Hasanovıch ómirden mezgilsiz ozýyna baılanysty kóńil aıtamyz. Rom Hasanovıch joǵary dárejedegi ulaǵatty ustaz ári adamgershilik qasıetteri mol jany jaısań, bolmysy bólek adam edi. Onyń asyl minezi men jetistikteri barshamyzdyń jadymyzda máńgi saqtalady», delingen habarlamada.
Bilikti bapker 1936 jyly Shyǵys Qazaqstan oblysy, Borodýlıha aýdanynda dúnıege kelgen. Ol 26 aqpanda 88 jasqa tolǵan bolatyn.
Eske salaıyq, grek-rım kúresinen tuńǵysh Olımpıada chempıony, Álem chempıony, Qazaqstannyń eńbek eri, «Barys», «Qurmet» «Parasat» ordenderiniń ıegeri Jaqsylyq Ámiráliuly Úshkempirov 2020 jyly 2 tamyzda qaıtys bolǵan.
