Qala jurtshylyǵyna – 15 avtobýs

Birneshe kún buryn kóne shahar­dyń jańa joldarymen qa­ty­naıtyn 15 avtobýs paıda­lanýǵa berildi. Jańa jol dep beker aıtyp otyrǵan joq­pyz. Bir jyldyń ishinde oblys orta­lyǵyndaǵy ondaǵan kóshege jańa asfalt tóseldi. Bul – úl­ken jumys. Ási­rese jańadan boı kótergen «Uly dala» shaǵyn aýdany men talaı jyl­dan beri turǵyndardyń bas aýrýy­na aınalǵan «Býryl» turǵyn ala­byndaǵy biraz kósheniń joly jóndel­geni kóńil qýantty.

Sý jańa qoǵamdyq kólikterdi tabystaý rásimine Taraz qala­sy­nyń ákimi Baqytjan Ory­nbe­kov arnaıy qatysty. Qa­la­ishilik baǵyttar boıynsha qa­­tynaıtyn avtobýs­tar «ÁýlıeataTrans­Pass» JShS júrgi­zýshilerine buıyr­ǵanyn aıta ketken jón. Eski kólikti jańaǵa aýystyrǵan olar turǵyndardy tasymaldaý úshin zamanaýı avtobýstyń buıyrǵanyna qýanyshty ekenin jetkizdi.

«ÁýlıeataTransPass» JShS bas­shysy Rashıd Pirmanovtyń aıtýyn­sha, Taraz qalasyna jet­kizilgen «Isuzu» markaly qoǵamdyq kólikter aýyly aralas, qoıy qoralas jatqan О́zbekstan elinde jasalǵan eken. Avtobýstyń uzyndyǵy 9 metrdi qurasa, syıymdylyǵy – 70 adam. Sondaı-aq qoǵamdyq kólikterde pandýs, birneshe beınekamera bar. Bir sózben aıtqanda, turǵyndar úshin barlyq jaǵdaı qarastyryl­ǵan.

Resmı derekke júginsek, Ta­raz qalasyna jetkizilgen avto­býstardyń 10-y №29 baǵytta qatynaıtyn eski qoǵamdyq kólikterdi almastyrsa, qal­ǵan beseýi №12 baǵytta qatynaıdy. Bul óz kezeginde №12 baǵyttaǵy avtobýstardyń júrý jıi­ligin arttyrady. Turǵyndar qoǵam­dyq kólikti burynǵydaı saryla kútip turmaıdy. Qosym­sha berilgen qoǵamdyq kólik­ter arqyly №12 baǵyttaǵy avtobýstar­dyń júrý ıntervaly 12 mınýttan 8 mınýtqa deıin qysqarady.

Shahar tizginin qolǵa alǵaly beri Baqytjan Orynbekov oblys ortalyǵyndaǵy joldardy jónge keltirýmen qatar, qoǵamdyq kólikterdi jańalaýǵa basymdyq berip otyr. Qala ákiminiń aıtýynsha, bul baǵyttaǵy jumystar ilki sátke de toqtamaq emes.

B.Orynbekov jolaýshylar tasy­malyn jandandyrý, turǵyndar­dy qoǵamdyq kólikpen tolyqtaı qam­tý jumystary qaı kezde de mańyz­­dylyǵyn joımaıtynyna bek senimdi. О́ıtkeni dál osy máseleni retimen sheshý úshin 2023–2025 jyldarǵa arnalǵan arnaıy is-sharalar jospary bar. Sol josparǵa sáıkes qalaǵa ár jyl saıyn 70 jańa qoǵamdyq kólik jetkiziledi. Áıtkenmen, osy jyldyń alǵashqy jartysynyń ózinde oblys ortalyǵyna 80 jańa avtobýs kelgenin eskersek, jospar artyǵymen oryndaldy deýge tolyq negiz bar.

Qalalyq ákimdiktiń baspaóz qyzmeti keltirgen derekke júginsek, birqatar baǵytty jańa avtobýstarmen qamtý jumysy jyl sońyna deıin jalǵasa bermek. Naqtyraq aıt­saq, osy jyldyń aıaǵyna deıin taǵy da 50 avtobýs ákelý jos­parlanǵan.

Taraz