«Fruitart» zaýyty – «Kazakh Invest» ulttyq kompanııasynyń jobasy, jylyna 15 myń tonna ónim óndiredi. Kásiporyn ónimi korporatıvtik klıentterge, bólshek saýda jelilerine, sonyń ishinde Eýropa Odaǵy, AQSh, Japonııa, Ońtústik Koreıa syndy damyǵan elder naryǵyna muzdatylǵan keptirilgen jemister men jıdekter jetkiziledi. Sondaı-aq Qytaı men Reseı naryǵyna eksporttalady. Zaýytta 350 adam jumys isteıdi.
Depýtattar Memleket basshysynyń reformalaryn júzege asyrý aıasynda ózderiniń zańnamalyq jumystary men kásipkerlikti damytýdy memlekettik qoldaý sharalary týraly habardar etti.
Depýtattar kásiporynnyń jumysymen tanysqannan keıin, eńbek ujymymen kezdesip, kóptegen ózekti máseleni talqylady. Zaýyt basshylyǵy depýtattarǵa jetistikterimen qatar kúrmeýli máseleleri jaıynda da aıtyp, kómek surady. Kásiporyn jetekshileriniń aıtýynsha, zaýyt joba boıynsha alǵan qaryzyn tolyq ıgergen. Alaıda kompanııa barlyq ınvestısııalyq kredıt syıaqysynyń tolyq mólsherlemesin óz esebinen qarjylandyrýǵa májbúr. Seriktestik ókilderi «Almaty qalasynyń kásipkerlik jáne ınvestısııalar basqarmasy» KMM sýbsıdııalar boıynsha bereshegi qazir 3,8 mlrd teńge ekenin aıtty. Jyl sońyna deıin bul qaryz 5,4 mlrd teńgege jetedi. Depýtattar kásiporyn ókilderiniń máselelerin nazarǵa alatynyn aıtty.
