Bilim-ilimge qushtar jastyń taýdaı talpynysynyń nátıjesinde Maqsut Nárikbaev atyndaǵy ýnıversıtettiń «qazaq-aǵylshyn tili jáne lıngvıstıkasy» mamandyǵyn meńgerýge múmkindik aldy. 2022 jyly stýdenttik shaqtyń esigin ashqan Aıym Aıtpanbet bıylǵy jazda joǵary oqý ornyn támamdap, dıplomyn qorǵap shyqty. Baqyttan júzi bal-bul janǵan Aıym el astanasy týraly tolǵanysyn tilge tıek etti.
«UBT-dan joǵary ball alyp, grant ıegeri atanǵannan keıin Astanadaǵy oqý ornyn tańdadym. Sebebi elimizdiń bas qalasyna kelip, stýdenttik shaqty ótkizý armanym edi. Astana – jastardyń qalasy. Elimizdiń mádenıeti men rýhanııatynyń ortalyǵyna aınaldy. Mundaǵy kókpen talasqan záýlim ǵımarattar órkenıetti elderden esh kem emestigimizdi, Arqa tósinde ózinshe órnektelgen teńdessiz ásem qalamyz baryn aıqyndaıdy. Kósheleri keń etip jasalǵan, jasyl jelek ósip, jyldan-jylǵa kórkeıip kele jatqan qalamyzda únemi samal soǵyp turady. Astanalyq jastar úzdiksiz oqý jáne izdeniste júretindigimen erekshelenedi», deıdi Aıym Ashatqyzy.
Keleshegi zor qalaǵa baýyr basqan Aıym ózi qalaǵan «qazaq-aǵylshyn tili jáne lıngvıstıkasy» mamandyǵyn jetik meńgerý arqyly memlekettik tilimizdiń órkendeýine, onyń qoldanys aıasynyń keńeıýine súbeli úles qosaryna senimdi. Stýdent shaǵynda tereń bilim alýmen qatar, básekeli saıystarǵa, ıntellektýaldy jarystarǵa qatysýda belsendiligimen tanyldy.
Talapty jas óz salasy boıynsha «Lıngvo alań», «Lıngvıstıka» syndy respýblıkalyq olımpıadalardyń 1-shi jáne 2-oryn júldegeri atandy. 2021–2022 jyldary ýnıversıtettiń «Orda» pikirsaıys ortalyǵynyń prezıdenti bolsa, odan keıin eriktiler tobynda da qyzmet etken Aıym Ashatqyzy Astana tórinde ótken Nobel fest kezinde Nobel syılyǵynyń ıegerlerimen tańǵy as ishý qurmetine ıe bolǵanyn maqtan etedi.
Sondaı-aq 1-mektep lıgasyndaǵy jáne 3-respýblıkalyq deńgeıdegi grand debat týrnırleriniń bas uıymdastyrýshysy jáne bas tóreshesi bola júrip, tájirbıesin shyńdaǵan Aıym byltyr akademııalyq utqyrlyq boıynsha Chehııadaǵy Ostrava ýnıversıtetinde 1-semestrdi oqyp, 9 memlekette, 17 qalasynda bolǵanyn aıryqsha atady.
«Work and travel jobasymen Massachýsets shatatynda, Keıp kod aýdanynda 3 aı boldym. Bul sapardan alǵan áserim aıryqsha jáne zor jaýapkershilik júktedi. Sebebi táýelsiz elimizdiń keleshegine qyzmet etetin jastar memleketimizdiń tarapynan jasalyp otyrǵan qoldaýlarǵa ıemiz. Oǵan qosa ata-ana, baýyrlarymyzdyń senimin aqtaý qajettigin de sezinemiz», degen Aıym Ashatqyzy ýnıversıtettiń 30 jyldyǵyna oraı tósbelgimen marapattalyp, ýnıverdiń top-40, ıaǵnı «Altyn kitaptyń» bir múshesi bolǵanyn ataý artyq etpes.
Almaty oblysy
