Foto: aqtobegazeti.kz
Keńeste О́nerkásip jáne qurylys mınıstri Qanat Sharlapaev, Energetıka mınıstri Almasadam Sátqalıev, Kólik vıse-mınıstri Satjan Ablalıev qazirgi jaǵdaı men atqarylyp jatqan jumystar týraly baıandady. Sondaı-aq Batys Qazaqstan, Aqtóbe, Atyraý, Aqmola, Soltústik Qazaqstan jáne Qostanaı oblystary ákimderiniń málimeti tyńdaldy.
Sý tasqyny saldarynan barlyǵy 19 342 jyljymaıtyn múlik (jalǵyz baspana bolyp sanalatyn úıler men saıajaılar) zaqymdandy, onyń 8 578-i qalpyna keltirýge jaramsyz dep tanyldy. Búgingi tańda 2 578 úı qurylysy men 6 myń jyljymaıtyn múlik satyp alý jumystary júrgizilip jatyr.
Premer-mınıstr SQO-da 200, Pavlodar oblysynda 5 jańa úı qurylysynyń jedel júrgizilgenin atap ótti. Sondaı-aq jýyrda Qostanaı oblysynda 22 úı tapsyrylady.
Úkimet dereginshe, ákimdikter qajetti qarjymen tolyq qamtamasyz etilip, barlyq kemshilik joıylǵan jáne salynyp jatqan úılerdiń úlgilik jobalary bekitilgen. Dese de 4 óńirde qurylys jumys kestesinen 15-25 kúnge artta qalyp keledi. Atap aıtqanda, Batys Qazaqstan, Aqtóbe, Aqmola jáne Atyraý oblystarynda qurylys qarqyny tómen ekeni belgili boldy.
Oljas Bektenov zardap shekkenderge beriletin úı sapasyn nazarǵa alýdy, kedergini der kezinde ortalyqqa habarlaýdy tapsyrdy.
«Qajet bolsa, biz resýrstardy qaıta bólip, tehnıka men adamdardy kóbeıtemiz. Barlyq qurylys normalary men qaýipsizdik talaptarynyń saqtalýyn qamtamasyz etý mańyzdy. Bul máseleler azamattardy alańdatpaýy kerek. О́ńirlerdiń ákimderi úılerdiń sapasyna jeke jaýap beredi. Prezıdent júktegen mindetterdi oryndaý úshin shamamen 2,5 aı qaldy», dedi Oljas Bektenov.
Sondaı-aq jergilikti joldardy jóndeýge jáne rekonstrýksııalaýǵa Úkimet rezervinen 22,7 mlrd teńge bólinip, zardap shekken óńirlerdegi mektepterdi qalpyna keltirýge 7,5 mlrd teńge baǵyttaldy. Barlyq mektep oqý jyly bastalǵanǵa deıin qalpyna keltirilý kerek.
