Telearna baǵdarlamasynyń júrgizýshisi Gúlmıra Jakılına ýrolog maman Birjan Ashkeevten kesh úılenýdiń densaýlyqqa qandaı zııany bar ekenin suraǵan.
- Fızıologııa jáne medısına boıynsha urpaq qaldyratyn, erlerdiń densaýlyǵy jaqsy, al uryǵy sapaly bolatyn jas 19-dan 27-ge deıin. Eger osy aralyqta adam úılenip, otbasyn quryp, bala jasaıtyn bolsa, sapaly urpaq qaldyrý múmkindigi joǵary. 27 jastan keıin álsireı beredi. Gormon qory tómendeıdi, erkek erkektik qasıetin joǵalta bastaıdy. Jasy 30-ǵa jaqyndaǵan adamnyń erkektik harızmasy "jumsaq" bolyp keledi. Sondyqtan qyzdarǵa baryp tanysý qabileti tómendeıdi. Birinshi qadam jasaý da gormondarǵa baılanysty azaıady. Gormon degen adamnyń boıyndaǵy minezdi qalyptastyrady ǵoı, erkektik minezi álsireı bastaǵan erkekti áıel de sezedi. Áıel adam únemi kúshti erkekti tańdaıdy ǵoı. Al 32 jastan bastap er adamdardyń qartaıý prosesi bastalady. Sondyqtan jas kezde, múmkindik bolsa 27-ge deıin úılený kerek. Qazir qoǵamda úılený jasy ósken saıyn adamdardyń jubyn tabýy qıyndap bara jatqany sondyqtan", - dep túsindirdi ýrolog maman.
Sonymen qatar, psıholog qazir jastardyń nege úılenýge asyqpaıtynyn aıtyp, qoǵamda jalǵyzdyq sındromynyń paıda bolý sebepterin atap bergen bolatyn.
