Foto: primeminister.kz
Premer-mınıstrdiń orynbasary Qanat Bozymbaev Arqalyqta salynyp jatqan kóppáterli úıdiń qurylys barysyn jáne merdigerlerdiń jumysyn tekserdi. «Bazıs A» kompanııasynyń qarajaty esebinen salynyp jatqan turǵyn úı 50 otbasyna arnalǵan. Sondaı-aq vıse-premer Arqalyq JEO-nyń aldaǵy jylytý maýsymyna daıyndyǵyn tekserdi.
Jangeldi aýdanynyń Kólqamys aýylynda 19 úı salynyp jatyr. Úıler «Qazaqstan halqyna» qory esebinen salynyp, shilde aıynyń sońyna deıin paıdalanýǵa beriledi. Búgin Jangeldın aýdanynyń Taýysh aýylynda sý tasqynynan zardap shekken 22 otbasy baspanaly boldy.
Qostanaıda da 14 otbasy páter kiltin ıelendi. Saltanatty jıynda Qanat Bozymbaev páter ıelerin quttyqtap, olarǵa tózimdilik pen shydamdylyq tanytqany úshin taǵy da alǵys aıtty.
Qostanaı turǵyndarymen birge Altynsarın aýylynyń turǵyndary da qonys toıyn toılady. 21 úıdiń kiltin «Qazaqstan halqyna» qory tóraǵasynyń orynbasary Lázzat Shyńǵysbaeva tabys etti.
О́ńirde sý tasqyny saldaryn joıý jumystary áli de jalǵasyp jatyr. Qanat Bozymbaev Altynsarın aýylyndaǵy jóndelgen turǵyn úılerdi aralap, bıznesi zardap shekken jergilikti kásipkerlermen jáne turǵyndarmen kezdesti.
Qostanaı oblysyna jumys saparynyń qorytyndysy boıynsha Qanat Bozymbaev jergilikti atqarýshy organdar men beıindi mınıstrlikterge birqatar tapsyrma berdi.
