Foto: ortalyq.kz
Depýtattar oıyn-saýyq saıabaǵynda, balalardyń oıyn-saýyq ortalyǵynda, Gorkıı atyndaǵy ortalyq mádenıet jáne demalys saıabaǵynda boldy. Qoǵamdyq baıqaýdyń basty maqsaty – attraksıondar men balalarǵa arnalǵan oıyn alańdaryndaǵy qaýipsizdik jaǵdaıy men kelýshilerge qyzmet kórsetý sapasyn baǵalaý, sondaı-aq saıabaqtardaǵy sanıtarlyq-epıdemııalyq erejeler men gıgıenalyq jaǵdaıdy saqtaýdy tekserý. Depýtattar kelýshilerdiń jaǵdaıyna, attraksıondardyń jaramdylyǵy men paıdalanylýyna nazar aýdaryp, jabdyqtardyń tehnıkalyq reglamentke sáıkes qaýipsizdiktiń barlyq talabyn saqtaýdyń mańyzdylyǵyn atap ótti.
«Búgingi qoǵamdyq baıqaý Almaty qalasy azamattarynyń múddesin qorǵaýǵa jáne olarǵa oıyn-saýyq saıabaqtarynda qaýipsiz jáne jaıly demalysty qamtamasyz etýge baǵyttalǵan», dep atap ótti Nýrııa Nııazova.
Baıqaýdyń nátıjesi Parlamenttiń kezekti sessııasynyń barysynda zań shyǵarý qyzmetine usynylatyn bolady.
