Foto: primeminister.kz
Bul aýylda qıraǵan úılerdiń ornyna bir páterli 90 turǵyn úı salynyp jatyr. Irgetas qurylysy boıynsha jumys tolyǵymen aıaqtalǵan. Búgingi tańda 34 úıdiń qabyrǵasy turǵyzylyp, 56 úıdiń tóbesi jabylyp jatyr. Nysandardyń jalpy daıyndyǵy 50%-ǵa jetedi.
Premer-mınıstrdiń tapsyrmasy boıynsha qurylys ýchaskesinde jumys isteıtinderdiń sany 30%-ǵa artqan edi. Qazirgi ýaqytta nysandarda 288 adam jumys isteıdi. Jumys kestege saı júrgizilip jatyr.
Qorjyn aýylynda 6 merdiger uıym jumys isteıdi. Oljas Bektenov qurylys-montajdaý jáne jóndeý-qalpyna keltirý jumystaryn júrgizý kezinde bekitilgen qurylys normalarynyń talaptary buzylǵan jaǵdaıda qurylys kompanııalary jaýapkershilikke tartylatynyn eskertti.
Premer-mınıstr qurylys-jóndeý jumysy barysynda otandyq óndiris materıaldaryn paıdalanýdyń mańyzyna da toqtaldy.
Aýylda qazirgi ýaqytta jóndeý jumystary júrgizilip jatqan 400 orynǵa arnalǵan mektep bar. Sonymen qatar jańa úılerdiń bolashaq turǵyndary úshin balalar alańy salynady.
«Jumysta kemshilikter bolmaýy kerek. Memleket basshysy úılerdiń tıisti sapasyn qamtamasyz etýdi tapsyrdy. Turǵyn úılerdi barlyq ınjenerlik jelilerge birden qosý qajet. Bul rette jol ınfraqurylymy men áleýmettik nysandardy tezirek qalpyna keltirýdi qamtamasyz etý mańyzdy. Aýrýhanalar, mektepter men balabaqshalar sapa men tehnıkalyq jaraqtandyrýdyń zamanaýı talaptaryn eskere otyryp salynýy kerek», dedi Oljas Bektenov.
Premer-mınıstr jaýapty mınıstrlikter men ákimdikke birqatar tapsyrma júktedi.
