Qazir Elena jiti bronhıt aýrýyna shaldyqqan, dárigerler oǵan kortqa shyqpaq túgili tipti ushaqpen jarysqa ushyp barýyna da qatań tyıym salǵan.
- Rybakına Olımpıadada keremet oıyn kórsetý úshin baryn salyp daıyndaldy, alaıda syrqatyna baılanysty bul múmkin bolmady. Qazaqstan Respýblıkasy Týrızm jáne sport mınıstrligi shyn júrekten sportshynyń tezirek saýyǵyp ketýin tileıdi jáne onyń kúshine senemiz jáne jattyǵýlar men jarystarǵa qaıta oralýdy asyǵa kútemiz, - delingen habarlamada.
Elena Rybakına qazaqstandyqtarǵa Parıj Olımpıadasyna qatysa almaıtynyn ókinishpen habarlady.
«Ýımbldon týrnırinen keıin jiti bronhıtpen aýyrdym. Jattyǵýǵa oralýǵa árekettensem de, meniń aǵzam tolyqtaı qalpyna kelgen joq. Dárigerler kortqa shyǵýyma qatań tyıym saldy. Parıj Olımpıadasynda bizdiń qurama úshin óner kórsetip, el úmitin aqtaı almaıtynym óte ókinishti. Tokıoda medalǵa qol sozym jerde boldym. Parıjde Qazaqstan úshin altyn alýǵa muqııat daıyndaldym. О́kinishke qaraı, aýrý bul jospardyń oryndalýyna múmkindik bermedi. Barlyq qazaqstandyq sportshylarǵa Parıjde sáttilik pen tabys tileımin. Men bizdiń barlyq atletterimizge jankúıer bolamyn, olardyń Olımpıadada el namysyn abyroımen qorǵaıtynyna senemin. Alǵa, Qazaqstan!», dedi E.Rybakına.
