foto: Jambyl oblysynyń ákimdigi
QR eńbek sińirgen sport sheberi Eldos Smetov tórtjyldyqtyń basty dodasynda elimizge alǵashqy altyndy syılap, dzıýdodan tuńǵysh Olımpıada chempıony atandy.
«Eldos – el senimin aqtap, barsha qazaqstandyqtardyń, jankúıerleriniń mereıin asyrdy. Áýlıeata jurtynyń abyroıyn asqaqtatty. Dańqty sportshy, Máskeý Olımpıadasynyń jeńimpazy Jaqsylyq Úshkempirov aǵamyzdyń ańsaǵan armanyn oryndap, jeńisin 44 jyldan keıin qaıtalady.
«Alyp anadan týady» degen qazaqta ataly sóz bar. Eldostyń eldiń balasy atanyp, baıraqty básekelerde top jarýyna ata-anasynyń sińirgen eńbegi, tálim-tárbıesi, januıasynyń qoldaýy zor», dedi oblys ákimi.
Erbol Qarashókeev chempıon uldy tárbıelep, qoldaý kórsetken jaqyndaryna alǵys bildirip, rızashylyǵyn jetkizdi.
Eldos Smetovtiń ata-anasy Baqtybaı jáne Toqtagúl Smetovterge «Oblysqa sińirgen eńbegi úshin» belgisin, jaryna Qurmet gramotasyn tabystady.
О́z kezeginde sportshynyń ata-anasy memleket jáne oblys basshylyǵyna, barsha janashyr jankúıerge rızashylyǵyn jetkizdi.
