Foto: Nitec
Endi júrgizýshi kýálikterin aýystyrǵan kezde paıdalanýshylar buryn alynǵan jeke kýáligi men pasportynan (3 jyldan aspaıtyn qujattar) óz fotosyn ornatý múmkindigi paıda boldy. Basty sharty fotosýreti paıdalanylatyn qujat 3 jyldan artyq bolmaýy kerek.
Budan basqa azamattarǵa yńǵaıly bolý úshin daıyn qujattardy alýǵa bolatyn HQKO bólimsheleriniń tizimi keńeıtildi. Endi júrgizýshi kýáligin tek mamandandyrylǵan HQKO-da ǵana almaısyz. Onlaın-suraý salý kezinde júrgizýshi kýáligin qaıta shyǵarý 60 mınýtty, arnaıy HQKO bólimshelerinde – 120 mınýtty alady.
Júrgizýshi kýáligin alý úshin:
- eGov.kz portalynda avtorızasııa jasańyz jáne «Kólik jáne kommýnıkasııa» bólimine ótińiz;
- qyzmetter tiziminen «Júrgizýshi kýáligin alý» tarmaǵyn tańdańyz jáne barlyq qajetti óristerdi toltyryńyz;
- ESQ kómegimen qyzmetke qol qoıyńyz.
Qyzmet nátıjesimen Jeke kabınette tanysýǵa bolady. Paıdalanýshyǵa habarlama qyzmetti alý tásiline qaraı (onlaın nemese oflaın) 60 nemese 120 mınýttyń ishinde keledi.
Qyzmettiń jańa fýnksıonaly Ishki ister mınıstrligi, Sıfrlyq damý, ınnovasııalar jáne aeroǵarysh ónerkásibi mınıstrligi Memlekettik qyzmetter komıtetiniń jáne «Ulttyq aqparattyq tehnologııalar» AQ birlesken jumysynyń arqasynda iske qosyldy.
