Aspaptyń poshymy – tórt qyrlanǵan sopaqsha sharshy ispetti. Moıynturaǵynyń uzyndyǵy 58 sm, shanaǵynyń uzyndyǵy 28 sm, kóldeneńi 17 sm. Tutas aǵashtan oıylyp jasalǵan. Shanaǵy uzynsha tórtburysh. Moıny shalqaq. Úsh býyndy. Bet qaqpaǵy juqa taqtaıshadan jasalǵan. On tórt perneli, ishegi qarapaıym jip.
Qolymyzda bar aqparatqa júginsek, bul dombyrany Qanysh Imantaıuly 1920 jyldardyń basynda Tom polıtehnıka ınstıtýtynda oqyp júrgen jyldary janynan tastamaı alyp júrgen deıdi.
Jýyqta jezqazǵandyq О́tegen Ahmet atty sheber dál osy mýzeıde turǵan dombyranyń dálme-dál kóshirmesin eki dana jasap, birin ǵalymynyń týǵan jeri Baıanaýyldaǵy, ekinshisin ósip-óngen ólkesi Jezqazǵan qalalyq mýzeıine tapsyrǵan eken.
«Dombyranyń tarıhy týraly naqty derek joq. Qanysh Imantaıuly ony arnaıy tapsyryspen jasatýy da múmkin. Sebebi mundaı pishindi dombyra el ishinde kóp kezdese bermeıdi eken. Onyń kóshirmesin jasaýdaǵy maqsatym –ulttyq aspaptyń sırek kezdesetin túrin nasıhattaý» deıdi qolóner sheberi.
