Jergilikti basylym jazǵandaı, qalalyq jaǵajaıda demalyp otyrǵan áıelderdi tanys emes er adam mazaq etip, ruqsatsyz kameraǵa túsirip otyrǵan. Oǵan áıelderdiń biri eskertý jasaǵan soń, arada janjal bastalady.
«Sol kezde men balamdy oınatyp otyrdym. Janjaldy toqtatýǵa tyrysyp, olarǵa jaqyndadym. Aldymnan mas er adam shyǵa keldi de, betimnen urdy. Qulap tústim, murnym syndy, betim qanjosa boldy, biraq ol meni taǵy da ura tústi», - deıdi jábir kórgen áıel.
Oqıǵa ornyna polısııa kelgen. Áıel qatty soqqydan keıin esinen tanyp qalǵan. Ol aýrýhanada bir apta boıy emdelgen.
«Densaýlyǵyma edáýir zııan keldi. Murnymdy syndyrdy – 4,5 sm jyrtylǵan. Onyń qolynda qatty bir zat bolǵan sııaqty. Alaıda polısııa ony jeńil bappen qarap jatyr. Tergeý durys júrip jatqan joq dep esepteımin. Ol osy ýaqytqa deıin keshirim surap kelgen joq, istegen isine ókinbeıtin sekildi», - deıdi jábirlenýshi.
Mańǵystaý oblysy polısııasynyń habarlaýynsha, atalǵan faktke baılanysty «Densaýlyqqa qasaqana aýyrlyǵy ortasha zııan keltirý» babymen qylmystyq is qozǵalǵan. Kúdikti ustaldy, saraptamalar taǵaıyndalǵan.
