Onyń qundylyǵy qanttylyǵyna baılanysty. Jergilikti qaýyndardyń qanttylyǵy 18% brıkst bolsa, bul qaýyndardyń qanttylyq mólsheri – 20% brıkst. Jergilikti qaýyndar 90 kúnde pisse, tropıkalyq qaýyn 60 kúnde pisedi. Aýrýǵa, tasymaldaýǵa tózimdi. Jylyjaıǵa egilgenine 10 kún bolsa da, qazirgi shyǵymdylyǵy jaqsy. «Bul rette taılandtyq ǵalymdarmen áriptestik ornatyp otyrmyz. Olar oılap tapqan qaýyn surpyn jylyjaıda synaqtan ótkizemiz. Sodan keıin jergilikti qaýyn tuqymymen býdandastyryp, jańa suryp shyǵarý josparda bar», deıdi aýyl sharýashylyǵy ǵylymdarynyń kandıdaty, jylyjaı sharýashylyǵynyń dırektory Samalbek Mundaı.
Dabyl júıesi
Japonııa alǵash ret joıqyn zilzala qaýpi týraly habar beretin dabyl júıesin iske qosty.
Ulttyq meteorologııa agenttigi 29 prefektýranyń 707 ákimshilik aýmaǵynda jerasty dúmpýi kezindegi daıyndyǵyn da pysyqtap úlgerdi. Eskertý negizinen Sıdzýokı qalasynan Tokıonyń batysyna deıingi aýmaqqa sozylyp jatqan 800 shaqyrym jerde jasaldy. «Gardıan» basylymynyń jazýynsha, bul aımaqta ár 100-200 jylda 8-9 baldyq zilzala bolyp turady. Esterińizge sala keteıik, Japonııa premer-mınıstri Fýmıo Kıshıda eldiń ońtústiginde 7,1 baldyq jer silkinisi bolǵan soń, Ortalyq Azııaǵa saparyn keıinge shegergen bolatyn.
Masasyz el
Jaz mezgilinde masa máselesi bárimizdi mazalaıtyny anyq. Osy tirshilik ıesi qaı elde joq eken dep te oılanǵan bolýymyz kerek. Sóıtsek, Islandııada joq eken.
Islandııada masalardyń birde-bir túri ómir súrmeıdi. Onyń sebebi naqty anyqtalmaǵan. Degenmen oǵan jaqyn Norvegııa, Shotlandııa, Irlandııa, tipti Grenlandııada masa bar. Ǵalymdar naqty sebebin anyqtamasa da, tabıǵat ereksheligine baılanysty dep topshylap otyr. Iаǵnı Islandııa klımatynyń ereksheligine baılanysty qysta birneshe ret kenetten bolatyn aýa raıyna qatysty. Masalar sýyq pen jylýdyń kezektesip turatynyna shydaı almaıdy eken.
