Foto:gov.kz
Qosymsha poıyzdardy iske qosýdy Kólik mınıstrligi «Jolaýshylar tasymaly» AQ-men birlesip júrgizip jatyr.
«Jańa oqý jyly qarsańynda Batys óńirleri turǵyndarynyń suranysyna sáıkes qosymsha marshrýttardy iske qosý týraly sheshim qabyldandy. Poıyzdar Aqtaý jáne Atyraý qalalarynan shyǵyp, Almaty qalasyna deıin stýdentterdi tasymaldaıdy. Kondısıonerleri qarastyrylǵan jańa vagondar jazǵy ýaqytta elimizdiń aýmaǵy boıynsha basqa baǵyttarǵa qatynaıdy, sol sebepti joǵaryda atalǵan vagondarda kondısıoner júıesi bolmaıdy. Temirjol jáne sý kóligi komıteti jas jolaýshylardan qolaısyzdyqtar úshin aldyn-ala keshirim suraıdy», dep habarlady Kólik mınıstrliginiń baspasóz qyzmeti.
Marshrýttarǵa naqty toqtalsaq:
- Aqtaý-Almaty baǵytynda qosymsha 360 jolaýshyǵa arnalǵan 8 jolaýshy vagony qatynaıdy. Bul baǵyttaǵy vagon 21 tamyz kúni Aqtaýdan shyǵyp, 23 tamyz kúni Almatyǵa jetedi.
- Atyraý-Almaty baǵytyna temirjolshylar qosymsha 3 vagon qosady. Bul vagondar 540 jolaýshyǵa arnalǵan. Atyraý-Almaty baǵytynda poıyzdar 16, 18, 20, 22 tamyzda qatynaıdy.
Aıta keteıik, stýdentter Aqtaý jáne Atyraý qalalarynyń vokzaldarynan temirjol bıletterin satyp ala alady. Stýdentterdiń ótinishterine sáıkes Kólik mınıstrligi qosymsha vagondar qosýǵa daıyn.
Eske sala keteıik, bıyl jańa vagondar parki 140 birlikke jańartylǵan. Kelesi jyly taǵy 226 jańa vagon keledi. Vagondar parkin jańartý jumystary jalǵasyp jatyr.
