foto: atamura.info
Tekserý barysynda Aıyrtaý aýdandyq prokýratýrasy balabaqshalardyń biriniń qyzmetkerleri mektepke deıingi uıymǵa is júzinde barmaıtyn balalardy tirkeý arqyly bıýdjet qarajatyn zańsyz alǵandaryn anyqtady.
Bul áreketterdiń barlyǵy sońǵy 3 jylda 2021-2024 jyldar aralyǵynda jasalǵan. Sonymen qatar Aıyrtaý aýdandyq prokýratýrasymen aýdandyq bilim bóliminiń qyzmetkerlerine qatysty bastalǵan sotqa deıingi tergep-tekserý jalǵasyp jatyr.
«Qylmystyq-prosestik kodekstiń 201-babynyń talaptaryna sáıkes sotqa deıingi tergep-tekserý derekteri jarııa etýge jatpaıdy», delingen prokýratýranyń jazbasynda.
Sonymen qatar tekserýler barysynda órt qaýipsizdigi, sanıtarlyq normalar, balalardyń ınternet jelisinde tyıym salynǵan aqparatqa qol jetkizýi jáne t.b. salalarda birqatar buzýshylyq anyqtaldy.
Anyqtalǵan zań buzýshylyqtar boıynsha qadaǵalaý aktisi engizilip, kináliler túrli jaýapkershilikke tartyldy.
Kámeletke tolmaǵandardyń quqyqtaryn qorǵaý salasyndaǵy qadaǵalaý jumystary jalǵasyp keledi jáne aýdandyq prokýratýranyń erekshe baqylaýynda.
