Foto:gov.kz
Eńbek jáne halyqty áleýmettik qorǵaý mınıstrliginiń málimetinshe, jastar praktıkasy boıynsha jumysqa ornalasqandardyń eń kóp sany Túrkistanda – 2,9 myń adam, Jambylda – 1,6 myń adam, Qyzylordada – 1,1 myń adam, Shymkent qalasynda – 1,2 myń adam.
«Jastar praktıkasyna qatysatyn áıelderdiń úlesi 63,3% nemese 9,3 myń adamdy, aýyl turǵyndarynyń úlesi – 8,6 myń adamdy nemese 58,1%-dy quraıdy. Alǵan kásibi (mamandyǵy) boıynsha bastapqy jumys tájirıbesin alý maqsatynda bilim berý uıymdarynyń 35 jastan aspaǵan jumyssyz túlekteri jastar praktıkasyna qatysa alady. Jastar praktıkasyna qatysý úshin mansap ortalyǵyna ótinish berý qajet. Jumys berýshi jastar praktıkasyna qatysýshylarǵa kásibı bilim men jumys tájirıbesin berý úshin tálimgerdi bekitedi. Respýblıka boıynsha ortasha jalaqy mólsheri 109,5 myń teńgeni, Aqtóbe oblysynda eń joǵary kórsetkish – 120,9 myń teńgeni qurady», delingen habarlamada.
Aıta keteıik, jastar praktıkasyn qarjylandyrýdy Eńbek mobıldiligi ortalyǵy «Azamattarǵa arnalǵan úkimet» memlekettik korporasııasy arqyly aı saıynǵy jalaqy tóleý arqyly júzege asyrady. Tólem ekinshi deńgeıdegi bankterde ashylǵan qatysýshylardyń aǵymdaǵy (kartochkalyq) shottaryna aqsha qarajatyn aýdarý jolymen jumys berýshi usynǵan málimetter negizinde júrgiziledi.
Jastar praktıkasy arqyly jumysqa ornalastyrylǵandar arasynda eń kóp suranysqa ıe mamandyqtar:
- Meıirger – 1 084 adam;
- Zańger – 767 adam;
- Tárbıeshi – 558 adam;
- Bastaýysh synyp muǵalimi – 541;
- Baǵdarlamashy – 524 adam.
