Talqylaýǵa atom salasynyń sarapshylary, memlekettik organdardyń, jurtshylyq pen azamattyq sektordyń ókilderi qatysady. Talqylaý sheńberinde eldiń energııa qaýipsizdigin qamtamasyz etý, AES qurylysyna daıyndyq, sondaı-aq atom salasy úshin kadrlar daıarlaý máseleleri qozǵalady. Mamandar Atom generasııasy jáne ıadrolyq tehnologııalar týraly aqparatpen bólisedi.
Is-sharany Qazaqstan Azamattyq alıansynyń prezıdenti Baný Nurǵazıeva men Astana qalasy Qoǵamdyq keńesiniń tóraǵasy, Saıası ǵylymdar doktory, dosent Zýlfýhar Gaıpov moderasııalaıdy.
Spıkerler sóz sóılegennen keıin azamattar ózderin qyzyqtyratyn tehnologııalardyń qaýipsizdigi boıynsha da, AES qurylysynyń áleýmettik-ekonomıkalyq aspektileri boıynsha da suraqtar qoıa alady.
Esterińizge sala keteıik, 16 tamyzda Almatyda kópshilik talqylaý ótti. Sol kezde QR eńbek sińirgen energetıgi Baqytjan Jaqsalıev Qazaqstannyń qoldanystaǵy energetıkalyq kesheni Eldi elektrmen qamtamasyz etý jónindegi mańyzdy mindetterdi tolyq sheshe almaıtynyn atap ótti. Ol elektr energııasyn teńdestirilgen óndirý ǵana aǵymdaǵy qajettilikterdi qanaǵattandyra alatynyn, al Qazaqstanda atom elektr stansııasynyń jobasyn iske asyrý tutynýshylar úshin elektr energııasynyń qunyn tómendetýge ákeletin ekologııalyq taza energııany qurýǵa alǵashqy qadam ǵana bolatynyn atap ótti.
2023 jylǵy 1 qyrkúıekte QR Prezıdenti Qasym-Jomart Toqaev «Ádil Qazaqstannyń ekonomıkalyq baǵdary» atty Qazaqstan halqyna Joldaýyn jarııalady. Memleket basshysy óz Joldaýynda atom energetıkasyn damytý asa mańyzdy ekonomıkalyq jáne saıası aspekt bolǵanyn atap ótti. Osyǵan baılanysty ol jalpyulttyq referendým ótkizý arqyly atom elektr stansııasyn salý máselesin sheshýdi usyndy.
2024 jyldyń maýsym aıynyń sońynda prezıdent Toqaev AES salý boıynsha referendým aǵymdaǵy jyldyń kúzinde ótetinin málimdedi. Naqty kúndi Qazaqstan Úkimeti aıqyndaıdy.
