Osaka shyǵanaǵyndaǵy teńizdiń tereńdigi 20 metr. Al túbi borpyldaq keledi. Sondyqtan aldymen áýejaı aımaǵynyń túbi túrli qurylys zattarmen tyǵyzdalǵan. Nysan eń qýatty jer silkinisteri men taıfýndarǵa tótep bere alatyndaı etip salynǵan. Mysaly, 1995 jyly ol jeti baldyq jer silkinisine, al 1998 jyly saǵatyna 200 shaqyrymǵa deıin jetken jeldiń ekpinine esh myzǵymaǵan. Taǵy bir ereksheligi, áýejaı eki deńgeıli kópir arqyly jermen baılanysyp tur. Onyń tómengi bóliginde temirjol, al joǵarǵy bóligine avtomobıl joldary júrgizilgen.
Jelden qýat alatyn janýar
Qazaq jerinde myńdap óretin kıik te – basqa jurttarda kezdese bermeıtin sırek janýar. Bókenniń basqa janýarlarda joq bir qasıeti – biriniń quralaıyn kelesisi emizip kete beredi. «Aq bóken – saharanyń botagózi, Atty eken qandaı adam kózi qıyp», dep Sáken múmkin sol qasıetine bola kúıindi me eken?
Torsyqtanaý kıikter uzaqqa júgirgende, ekpindep kele jatqan betimen qarǵyp-qarǵyp, aldyńǵy qos tuıaǵyn jelge tosady. Qatty júgirgen saıyn tynysy tarylǵanda, asha tuıaqtyń arasynan ótken jelden qýat alyp, zymyraı túsedi.
Qyzǵylt tústi kól
Aýstralııanyń ońtústik-batysyndaǵy Hıller kóliniń túsi jyl-on eki aı ózgermeıdi. Ashyq qyzǵylt tústi sýdy bótelkege quıyp alǵannyń ózinde túsin saqtap qalady eken.
Kóldi birinshi ret 1802 jyly Sıdneıge bara jatqan jolynda brıtan teńizshisi M.Flınnders kórgen. Sodan beri bul jer týrısterdiń turaqty mekenine aınaldy. Uzyndyǵy 600 metrdi quraıtyn ózenniń jan-jaǵy qalyń ormanmen qorshalǵan. Sol sebepti qyzǵylt kólge barǵysy kelgender munda tek áýe kóligimen ǵana jete alady.
