Foto: О́nerkásip qurylys mınıstrligi
Temir aýdanynyń ákimi Salamat Amanbaevtyń aıtýynsha, sý tasqyny kezinde Shubarqudyq, Qumsaı, Shıtúbek jáne Eńbekshi aýyldarynda 98 úı sý astynda qalǵan. Komıssııanyń qorytyndysy boıynsha 41 úı qalpyna keltirýge jatady dep eseptelgen. Bul úılerdi jóndeýge bıýdjetten 224,3 mıllıon teńge bólingen. Qalǵan 57 úı apattyq jaǵdaıda dep tanylǵan.
Aıta keteıik, baspanasynan aıyrylǵan 36 turǵyn úı úshin Bolat О́temuratov Qory, «Qamqor – Aqtóbe» jáne «Dar charity» qarjysy esebinen daıyn úıler satyp alynǵan. Bul maqsatqa 635 mıllıon teńgeden astam qarjy jumsalǵan. Qumsaı aýylynda budan basqa 21 otbasy úshin jańa úıler salynyp, merdigerler bul jumysty tamyzdyń sońyna deıin bitirýge ýáde berip otyr. Qazirgi ýaqytta úıler ınjenerlik jelilerge, sý, gaz jáne elektr qyzmetterin qosý jumystary júrip jatyr.
Sonymen qatar Temir aýdanynda 63 otbasy materıaldyq shyǵyndar úshin 26 mıllıon teńgeden astam ótemaqy alǵan. Sondaı-aq aýdanda Qyzyljar orta mektebi ǵımaratyn qalpyna keltirý, Tasqopa selosyna kireberis sý ótkizý qubyry, Jambyl aýyly mańyndaǵy Temir ózeni ústine salynǵan kópir jóndeý jumystary qarqyndy júrip jatyr. Oǵan qosa, 2 qorǵanys bóget qurylysy bastalǵany belgili boldy.
QR О́QM Ahýaldyq ortalyǵynyń málimetinshe, Aqtóbe oblysynda salynyp jatqan 500 jeke turǵyn úıdiń 166-synda qurylys jumystary aıaqtalyp, paıdalanýǵa berilgen. Sonymen qatar zardap shekken otbasylarǵa ekinshi naryqtan 495 úı satyp alynyp, 3047 úıde jóndeý jumystary aıaqtalǵan.
