Foto: instagram.com/baurzhan_gaisa
«Men Kókshetaý qalasynyń ákimi qyzmetinen kettim. Biz qalalyq ınfraqurylymdy jaqsartýǵa jáne azamattarymyzdyń ómir súrý sapasyn arttyrýǵa baǵyttalǵan birqatar bastamany iske asyra aldyq dep oılaımyn. 2021 jyldan bastap qazirgi ýaqytqa deıin 144 KTÚ tapsyryldy, 170 km astam jol jóndeldi, 39 balalar men 47 sport alańdary salyndy. Bıyl Halyq qatysatyn bıýdjet jobasyn iske asyrý aıasynda 19 alańnyń qurylysy júrgizilip jatyr.
Osyndaı qıyn, biraq qyzyqty jolda menimen birge bolǵandardyń barlyǵyna alǵys aıtqym keledi», dedi eks-ákim.
Aıta keteıik, Baýyrjan Ǵaısa 2021 jyldyń 25 naýryzynan bastap osy qyzmette bolǵan edi.
