Foto: pavlodarnews.kz
Osy jyldyń 30 shildesinde qylmystyq ister jónindegi mamandandyrylǵan aýdanaralyq áskerı sotta Qylmystyq-atqarý júıesi komıtetiniń Qaraǵandy jáne Ulytaý oblysy boıynsha №62 Mekemesinde jazasyn ótep jatqan 11 sottalǵandy azaptaý qoldaný faktisi boıynsha osy mekemeniń 7 jáne Ulttyq ulan №6505 áskerı bóliminiń 4 qyzmetkerine qatysty úkim jarııalandy.
Qylmystyq isti Ulytaý oblysy prokýratýrasynyń arnaıy prokýrorlary tergedi. Prokýrorlar 11 sottalǵanǵa qatysty kináli qyzmetkerlerdiń azaptaý qoldanǵandyǵyn tergeýmen dáleldedi.
«Sot úkimimen mekeme bastyǵy men onyń rejım jónindegi orynbasaryna 6 jyl 6 aı merzimge bas bostandyǵynan aıyrý jazasy kesildi. Sonymen birge osy mekemeniń basqa 5 jáne Áskerı bólimniń 4 qyzmetkeri 4 jyl men 4 jarym jyl merzimge bas bostandyǵynan aıyryldy», delingen Bas prokýratýra habaralamasynda.
Úkim zańdy kúshine engen joq.
