Janymen jazatyn sheber tańsyq jemister, ádemi gúl shoqtary, gúl tizbekteri, kúltelengen matalar, pishini áshekeıli sebetter, taýys qaýyrsyndary men ásem ydystardy beınelegende, jan bitirgendeı áserge qaldyrady. Saltanat Sádibekova tabıǵat sulýlyǵyn jyrlaı otyryp, tabıǵı ortadaǵy ómirdi anyq ári nanymdy bederleýge tyrysady. Tabıǵattyń túsi men tylsym boıaýlaryn talǵampazdyqpen sezinedi. Onyń shyǵarmalaryna sergektikpen qatar, kolorıttiń qanyqtyǵy tán.
Keneptegi omby qarǵa shomylǵan bıik qaraǵaılar, kishkentaı terezeleri jarqyraǵan alasa úıler, kún shapaǵyna bólengen aýyl keshi, Ile Alataýy jotalarynyń mańǵaz kórinisi júrekke jyly tıedi. Onyń qoltańbasyna tán basty erekshelik – jarqyn da qanyq palıtra, ómirge qushtarlyq hám pozıtıv. Mı kemirgen myń san oıdyń jaýabyn aǵashtardan, gúlderden, jemisterden, aspandaǵy bulttardyń ǵajap qubylysynan izdeıtin sýretshi muńnyń ózin sulýlyq arqyly beredi.
Keıipkerimiz ónerge alǵash qadam basqanda ımpressıonıst sýretshilerge aıryqsha qyzyǵýshylyq tanytqan. О́ziniń súıikti sýretshileri sııaqty, ol da únemi eksperıment jasaıdy. Taza boıaýlardy tútikten tikeleı kenepke syǵyp, týyndysyn ımpressıonıstershe usaq boıaýlarmen aıaqtaıdy, keıde qarama-qarsy túrli tústi kóleńkeler jasaý úshin qara tústi nemese qoıý kók kobaltti paıdalanady. Fransýz jáne orys post-ımpressıonıst jáne avangard sýretshileriniń polemıkalyq jumystaryna da nazar aýdarady. Onyń týyndysynda ózine tán qarama-qarsy túster, jeńil geometrııalyq pishinder birneshe kózqarastyń úılesimi kórinedi.
О́nertanýshy Marııa Kopelıovıch «Saltanat úshin jalpyadamzattyq máselelerge, mindetterge jáne olardy sheshý múmkindikterine kóńil bólý ózekti» deı kele, Sádibekovanyń qoltańbasy haqynda óz oıyn ortaǵa saldy.
«Búgingi tańda Sádibekova mádenı ómirimizge berik engen «sándik keskindeme» stılinde jumys isteıdi. Dekoratıvtilik kórkem shyǵarmanyń kórkemdik dızaınyn tolyqtyra otyryp, talǵampazdyǵymen, sándik formasymen, bólshekterdi muqııat óńdeýimen erekshelenetin óner týyndylarynyń sapasy. Sýretshi tústi týyndynyń ózin-ózi basqaratyn obektisi retinde túsindiredi. Sonymen qatar ol tús pen syzyq, pándik pishin jáne úshólshemdi keńistik arasyndaǵy kórneki dıalogke de qyzyǵýshylyq tanytady. Mysaly, kúzdiń sýretterin salý úshin Saltanat kúzgi ashyq tabıǵı tústerdi paıdalanady, biraq ekinshi jáne úshinshi jospardaǵy únsiz tondardyń, aq daqtardyń qarama-qaıshylyqtarynyń jáne birinshi jospardaǵy qarańǵy syzyqtyq úlgisiniń arqasynda olardy kúıdirip, jarqyratady. Qazirgi zamanǵy ónerde forma men stıl sheksiz túrde erkin qoldanylady. Bul faktini bastapqy núkte retinde qabyldaı otyryp, Saltanat óziniń shynaıy úni men álemge degen kózqarasyn kórsetýge tyrysady. Onyń pikirinshe, shyǵarmashylyq izdenis, ózin-ózi kórsetýge degen umtylys sýretshiden óte adal bolýdy, etene jaqyn, tereń tájirıbeniń basyn ashýdy talap etedi, sondyqtan ol árqashan óz kartınalary úshin jańa baǵyttar men beınelerdi izdeıdi», deıdi Marııa Kopelıovıch.
Onyń «Sharyn shatqaly» dep atalǵan týyndysy eriksiz nazar aýdartady. Basty nysannan bólek keneptegi jazdyń aptap ystyǵy, aspannyń qanyq kók túsi shóleıtter ańǵarynyń sulýlyǵyn araılandyra túskendeı. Sádibekova kenepterge aldyn ala eskız jasamaıtynyn, biraq bos kenepke «kóleńkesiz syzyqtarmen» sýret salatynyn, sodan keıin jumys «joǵarydan aıan túrinde keletin kolorıstıkalyq sheshimmen» aıaqtalatynyn aıtady.
ALMATY
