Foto: Astana qalasynyń ákimdigi
Mańǵystaýlyq atbegi Áleke Dosqýatulynyń baptaýyndaǵy Ǵasyr – dúbirli dodaǵa joldama alǵandardyń biri. Ol Pavlodarda ótken irikteýde aldyna qara salmaı, báıgeniń jeńimpazy atandy. Endi bapker osy nátıjeni baıraqty básekede qaıtalaýǵa den qoıyp otyr.
Aıtýly básekede qunan báıge 11, alaman báıge 25, top báıge 18 shaqyrymǵa sozylady. Al jorǵa jarys 9 shaqyrymda jarysady. Qazir qazaq atbegiler ǵana emes, kórshi elder de dástúrli báıgege tyńǵylyqty daıyndalyp jatyr. Aıta keteıik, sheteldik komandalar báıgeniń ár túrine tek 3 tulpardan qosa alady.
Atalǵan baıraqty básekede ushqyr báıgeniń 3, al dástúrli báıgeniń 4 túri bolady.
Eske salaıyq, 8-13 qyrkúıek aralyǵynda Astanada V Dúnıejúzilik kóshpeliler oıyndary ótedi. Dúbirli jıynǵa 89 elden sportshylar qatysady. Oıynǵa qatysýshylar 21 sport túrinen baq synaıdy.
