PARLAMENT

Bular – derekti kınoǵa laıyq tulǵalar Sońǵy ýaqytta Sháken Aımanov atyndaǵy «Qazaqfılm» aksıonerlik qoǵamy ujymynyń «Ǵasyrlar ańsaǵan azattyq» «Qazaqstan joly. Táýelsizdik hronıkasy» serııasymen derekti kınolentalar jasap, qazaqstandyqtardyń nazaryna usyna bastaǵandyǵy ábden quptarlyq ıgi is. Bul Qazaqstanda kıno ındýstrııasynyń da búgingi kún talabyna saı damýǵa bet alǵandyǵyn aıǵaqtaıtyn syńaıly. El táýelsizdigin alýdaǵy jáne sol táýelsizdikti ornyqtyrýdaǵy, tarıhtyń asa qysqa merziminde Qazaqstandy álemniń damyǵan elderiniń qataryna qosa bilgen Elbasy Nursultan Nazarbaevtyń tarıhı róli «Memleket basshysy» jáne «Elbasy» atty derekti kınolentalarda jan-jaqty ári tereń kórinis taýyp, jurtshylyqtyń shynaıy iltıpatyna ıe boldy. Sonymen birge, Sháken Aımanov, Myrzataı Joldasbekov, Nurlan Orazalın jaıynda túsirilgen derekti kınolentalar da bizdiń búgingi de, erteńgi de tarıhymyzdyń betteri bolyp qalary anyq. «Qazaqfılmniń» kenjeleý qalyp bara jatqan osy bir derekti kıno túsirýdi qolǵa alyp otyrǵandyǵyna rızashylyǵymyzdy bildire otyryp, bıyl týǵandaryna 100 jyl tolǵaly otyrǵan halqy­myzdyń birtýar perzenti, dańqty panfılovshy, Keńes Odaǵynyń Batyry, Qazaqstan ǵylymyna eńbek sińirgen qaıratker, jazýshy, ádebıet zertteýshisi, pedagog, fılologııa ǵylymdarynyń doktory, akademık, professor, Memlekettik syılyqtyń laýreaty, kórnekti qoǵam qaıratkeri Málik Ǵabdýllın jáne kezinde ulttyq sanany oıatyp, qoǵamda rýhanı qozǵalys týdyrǵan, eleýli qubylys dep tanylǵan «Kóshpendiler» tarıhı trılogııasynyń avtory, qazaqtyń klassık jazýshysy, Memlekettik syılyqtyń laýreaty Ilııas Esen­berlın jaıynda derekti kınolar túsirilip, jurtshylyqtyń nazaryna usynylsa, nur ústine nur bolar edi. Munyń osy eki kesek te dara tulǵanyń 100 jyldyq mereıtoılaryna arnalǵan mándi bir shara bolyp shyǵatynyna da kúmán joq. Jabal ERǴALIEV, Senat depýtaty.

El ekonomıkasyn qajetti arnaǵa baǵyttaǵan qujat

Andreı BEGENEEV, Májilis depýtaty, «Nur Otan» partııasy fraksııasynyń múshesi. Qazaqstan Prezıdenti N.Á.Na­­zar­baevtyń jyl saıyn­ǵy Jol­daýy­nyń bir-birinen ózin­dik erek­shelikteri bar. 2014 jyl­ǵy 11 qara­shadaǵy Joldaý krea­tıv­ti­li­gimen ári der kezinde jarııa etilgenimen utym­dy bolyp otyr. Memleket bas­shysy álemdegi oqı­ǵa­lardy, jahan­dyq ekonomıkada bola­tyn ózge­ris­terdi aldyn ala bol­jaı bile­tin qabiletke ıe ekenin taǵy da bir dáleldedi. Bolýy yqtımal syn-qater­ler­ge qalaı jaýap berý qajet­tigin durys taba bilý ońaı emes. Ár­bir memleket úshin ha­lyq­tyń ál-aý­qa­tyn qalypty ustaý, ekonomıka­ny damytý mańyzdy bolmaq. Biraq soǵan qalaı qol jetkizýge bolady? Elbasy osy Joldaýda taıaý bes jyldyń ishinde qandaı ister at­qarylýy tıis ekenin, qandaı sala­lardy damytýǵa basa mán beri­le­tinin jeke-jeke, oryndalýyn kezeń-kezeńge bólip aıtyp ber­di. Bul jerde endi jańa baǵdar­lama­lar­dy oılap tabý qajet emes. Halyq­tyq uǵymmen aıt­qanda, «jańa­dan velo­sıped oılap shyǵarýdyń qajeti joq». Buryn elderdiń damýy óz ar­nasynda ǵasyrlar boıy bir qa­lyppen jáne baıaý aǵyp jatqan ózen­deı edi. Al qazir ózgeriske toly ǵalam. Búginde barsha dú­nıe beımaza kúı keshýde. Eko­no­mıkanyń turaqsyzdyǵy, saıa­sı kózqarastardyń sáıkes kel­meýi sııaqty keleńsizdikter beleń alýda. Qarjy daǵdarysy bir­de Amerıka qurlyǵyn, endi bir­de Eýropany teńseltip jatyr. «Nurly Jol» Joldaýynyń negizgi baǵyty – bizdiń el­diń saıası-ekonomıkalyq, áleý­mettik dálizderin qurý. Bul kóliktik-logıstıkalyq, ın­dýstrııalyq, ener­getıkalyq, turǵyn úı-kom­mýnaldyq sharýa­shylyǵyn, áleýmettik ınf­raqurylymdardy damytý joldarynda kórinis tapty. Qarjy daǵdarysyna jáne basqa da problemalarǵa qaramastan, biz Prezıdenttiń júrgizip otyr­ǵan saıasatynyń arqasynda áleý­­mettik salaǵa baǵyttalǵan qarjy kólemin saqtap qaldyq. Bizdiń jyldar boıy jınaǵan rezervimiz bar. Jańa Joldaýda Ulttyq qordan qandaı salaǵa qansha qarjy baǵyttalatyny naqty atap kórsetildi. Búgingi tańda munaı baǵasy tómen tú­sip tursa da, Elbasy halyqty jar­qyn bolashaqqa sendirip otyr. Joldaýǵa nazar aýdarsaq, áleýmettik salany jáne tur­ǵyn úı keshenin damytý, ekonomıkanyń barlyq sa­lasy boıynsha qandaı ister atqarylatyny naqty aıqyn­dalǵanyn anyq kóremiz. Elbasy Qazaqstannyń ekonomıkalyq áleýetin qajetti negizgi bir arnaǵa baǵyttap otyr. Osy jerde ataı ketetin bir jaıt – 2015 jyldan jańa respýblıkalyq bıýdjet jos­pary iske asy­­ryla bastady. Úkimet pen Par­la­menttiń shuǵyl jumys isteýiniń arqasynda Memleket basshysynyń jańa Joldaýdaǵy bergen tapsyrmalary úsh jyl­dyq bıýdjet týraly zańda tolyqtaı kórinis tapty. Sóı­tip, «2015-2017 jyldarǵa ar­nal­ǵan respýblıkalyq bıýd­­jet týraly» zań jobasyn 19 qarasha kúni Májilis ma­qul­da­dy. Al 25 qarashada Par­la­ment Senaty qabyldady. 28 qarasha kúni Memleket basshy­sy «2015-2017 jyldarǵa ar­nal­ǵan respýblıkalyq bıýdjet týraly» Zańǵa qol qoıdy. Bıýd­jet kodeksine sáıkes qalyp­tas­tyrylǵan bul zańda 2015-2019 jyl­darǵa arnalǵan áleýmettik-eko­nomıkalyq damý boljamy men bıýdjet parametrleri tolyq eskerildi. Memleket basshysynyń tap­syrmasyna sáıkes elimizdiń áleý­mettik salaǵa baǵyttalǵan qara­­jaty eselene tústi. Bilim berý men ǵylym salasynyń shy­­ǵys­tary ulǵaıtyldy. Den­saý­lyq saqtaý júıesindegi shy­ǵystar da birneshe esege artyp otyr. 2015-2017 jyldary In­dýs­trııalyq-ınnovasııalyq damý memlekettik baǵ­­da­rlama­synyń ekinshi keze­ńin iske asyrýǵa 232,9 mlrd. teń­ge qarastyryldy. Árıne, burynǵy kezdegideı keń kósiletin zaman emes. Áskerı tilmen aıtqanda, «Belbeýdi barynsha taryltyp taǵý kerek». Basqasha bolýy múmkin emes. Eń bastysy, bıýdjettik baǵdarlamalar tıimdi iske asyrylýy tıis. Elbasy memleket qarajatynyń bir tıynyna deıin qaıda jumsalǵany esepke alynatynyn aıtty. Úkimetke osy qarjylardyń tıimdi ári ońtaıly paıdalanylýyn qamtamasyz etý jóninde tapsyrma berdi. Bar­lyq ákimderge aıryqsha jaýap­ker­shilik júktelip otyr. Al «Nur Otan» partııasy barlyq deńgeı­lerde qatań partııalyq baqylaý ornatýy tıis ekenin eskertti. 2015-2017 jyldarǵa arnal­ǵan respýblıkalyq bıýdjet jospary tıimdi paıdalaný júıesiniń negizin qalaıdy jáne Úkimet pen Parlament jumysyna synaq bolady. Bıýdjet jospary oryndalýy barysynda qarjy tapshylyǵy oryn alýy yqtımal. Biraq odan qorqýdyń qajeti joq. Kezdesken qıyndyqty júrip kele jatyp eńserý qajet. Belgi­lengen baǵytta ómir súrip, alǵa júrýimiz kerek. Prezıdent Táýelsizdik kúnin­de sóılegen sózinde «Adam óziniń jaýyn da, dosyn da ózi tańdaıdy, al kórshini Qudaı beredi» degen halyq naqylyn alǵa tartty. Qazaqtardyń qashan­da kórshisine, qonaǵyna qurmetpen qaraıtynyn jaqsy bilemin. Qazaq halqynyń mentalıteti osyndaı. Sheteldik áriptesterimizdiń, ózge halyq­tardyń Qazaqstan týraly jaqsy pikirin estigende, kókeıi­mizge maqtanysh sezimi uıalaı­dy. Bizdiń halqymyz óte qonaqjaı, sondaı-aq, álemde jáne kórshi elde bolyp jatqan jaǵdaılarǵa birden nazar aýdarady. Elbasynyń kemeńger saıasaty men halyqtyń izgi nıetiniń arqasynda mem­leketimizdiń bolashaǵy zor bolady dep oılaımyn. Damyǵan 30 eldiń qata­ryna qosylý maqsaty alǵa qoıyl­ǵany belgili. Al biz oǵan álde­bir urandarmen emes, naqty júıelengen baǵdar boıynsha jete­tin bolamyz. Memleket basshy­synyń «Nurly Jol» Joldaýy – naqty ister kezeń-kezeńimen júzege asyrylatyn baǵdarlama.

 Nesıelendirýdiń tıimdi jolyn qarastyrý kerek

Palata Spıkeri Qabıbolla Jaqypovtyń tóraǵalyǵymen ótken jalpy otyrysta Parlament Májilisiniń depýtaty Nıkolaı Kýzmın Premer-Mınıstr Kárim Másimovke depýtattyq saýal joldady. Onda tómendegi másele qozǵalyp, bylaı delinedi: «О́zińizge belgili, 2014 jyldyń 11-14 qarashasynda Qazaq­stan Respýblıkasynyń Prezıdenti N.Á.Nazarbaevtyń «Nurly Jol – bolashaqqa bastar jol» atty Qazaqstan halqyna Joldaýyn túsindirý maqsatynda respýblıkalyq aqparattyq toptardyń quramynda Qazaqstan Respýblıkasy Parlamenti Máji­lisiniń depýtattary el óńirlerinde, onyń ishinde Shyǵys Qazaqstan oblysynda bolyp, aýyl turǵyndary men sharýa qojalyqtary basshylarymen kezdesken edi. Sharýa qojalyqtarynyń basshylary ekinshi deńgeıdegi bankterdiń aýyl sharýashylyǵy ónimderin óndirýshilerdi tehnıka, tyńaıtqyshtar alýǵa jáne aınalym qarajatyn ulǵaıtýǵa nesıe berýge qulyqsyz ekendigin habarlap, kóp aryz-shaǵymdaryn jetkizdi. Bárimizge belgili, 2014 jyl aýyl sharýashylyǵy úshin qıyn kezeń boldy, kóptegen sharýashylyqtar eginderin jınaı almady jáne boljaǵan tabystaryna qol jetkize almady. О́z kezeginde, ekinshi deńgeı­degi bankter úsh jyldan aspaǵan tehnıkany kepilge alady, al eger bes jyldan assa, ony metallolom baǵasynan sál joǵary baǵalaıdy. Osyndaı kepildik jaǵdaı jyljymaıtyn múlikte de bar. Sońǵy bes jyl bederinde ekinshi deńgeıli bank­ter ózderiniń sharty boıynsha úlken jeńildikpen kepildiksiz tutynýshylyq nesıeler berýmen áýestengen, sonyń saldary nesıe qarajatynyń úlken bóliginiń qaıtarylmaýyna ákelip soqtyrdy. Memleket basshysy osy jaǵ­daı­ǵa jeke kóńil aýdardy jáne ekinshi deńgeıdegi bankterdiń problemalyq nesıelerin satyp alý úshin Úkimetke 250 mıllıard teńge bólý týraly tapsyrma berdi. Búgin reseılik rýbldiń qunsyzdanýyna baılanysty qazaqstandyq aýyl sharýashylyǵy ónimderin óńdeý­shiler tómen baǵamen ónimdi Reseıden satyp alýda, al biz­diń sharýa qojalyqtary óz ónimderi­niń baǵasyn tómendetýge májbúr. 2014 jylǵy qolaısyz aýa raıy, Reseı Federasııasyndaǵy kórshilerimizde aýyl sharýa­shylyǵy jáne et ónimderi baǵasynyń arzan bolýy jáne ekinshi deńgeıdegi bankterdiń aýyl sharýashylyǵy ónimderin óndirýshilerdi nesıelendirýge qulyqsyzdyǵy sııaqty faktorlar 2015 jylǵy kóktemgi egis jumystaryn kóptegen sharýa qojalyqtary tıisti deńgeıde atqara almaýyna sebep bolýy múmkin. Memleket basshysy «Nur­ly Jol – bolashaqqa bas­tar jol» atty Joldaýynda eko­nomıkanyń naqty sektorlary men óndirýshilerdi, sonyń ishinde agrarlyq sektordy qoldaý qajettigin basa aıtty. Biraq, ekinshi deńgeıdegi bank­ter, ózderiniń kommersııalyq múddelerine baılanysty, óz nesıelendirý saıasatyn, bul jerde kópshiligi shaǵyn jáne orta bıznes ókilderi bolsa da, aýyl sharýashylyǵy ónimderin óndirýshilerdi belsendi nesıe­lendirý jolyna qaraı ózgerter emes. Osy aıtylǵandardy jáne kóktemgi egis jumystarynyń bastalýyna az ýaqyt qalǵanyn eskere otyryp, sizden Qazaqstan Respýblıkasy Ulttyq bankiniń ekinshi deńgeıdegi banktermen birlese otyryp, otandyq aýyl sharýashylyǵy ónimderin óndirýshilerdi nesıelendirýdiń tıimdi saıasatyn daıyndaýyna kómek berýińizdi suraımyn».

Taǵy da «Jol júrisi týraly»

Zań jóninde nemese erejelerdi birte-birte engizý kerek

Meniń osy shaǵyn maqalany jazýyma 2014 jylǵy 17 sáýirdegi «Jol júrisi týraly» Zańnyń jekelegen erejeleri men Úkimettiń 2014 jylǵy 13 qarashadaǵy №1196 qaýlysymen bekitilgen Jolda júrý erejeleriniń kúshine engizilýine jurtshylyq arasynda týyndaǵan teris pikir sebep bolyp otyr. Erekshe pikirtalas balalarǵa arnalǵan avto­oryntaq ornatýǵa; toqtatylǵan kólik quralyna jol polısııasynyń qyz­met­keri kelýge mindettelgen ýaqytqa; jolda júrý qaýipsizdigine áser etetin qo­sym­­­sha jabdyqqa; kólik qorabyna aero­grafııalyq beıneler salýǵa; dári-dármek qorapshasynyń jańa quramyna jáne taǵy da basqa máseleler qarastyrylǵan erejelerge qatysty órbidi. Buqaralyq aqparat quraldary men ınternet resýrstaryndaǵy qoǵamdyq pikirge júrgizilgen monıtorıng osy máselelerdiń sebebi, Parlament depýtattary qabyldaǵan zańdar sapasynyń tómendiginen degen boljam jasalǵanyn kórsetip otyr. Biraq, Parlament qabyldaǵan kez kelgen zań qoıylatyn barlyq talaptarǵa sáıkes, memlekette qalyptasqan ózekti qoǵamdyq qatynastardy retteıdi jáne halyqaralyq standarttarǵa jaýap beredi. Balalarǵa arnalǵan avtooryntaq ornatýdy mindetteý negizdi jáne óz ýaqytynda engizilip otyr. Máselen, Qazaqstanda 2014 jyly kámeletke tolmaǵan jolaýshylar qatysqan 1399 jol-kólik oqıǵasynyń saldarynan 89 bala qaza boldy jáne 1704-i túrli deńgeıdegi jaraqat aldy. Tek bıylǵy 1-7 qańtar aralyǵynda 6 jolaý­shy bala qaza bolyp, 17-si jaraqat aldy. Osy aıtylǵandardy eskere kelgende, kóńil tolmaýshylyq zań mátinderin zerdeleý­ge qatysty emes, ony is júzinde qoldanýdan týyndaǵany belgili bolyp otyr. Zań qandaı jaqsy bolsa da eger de ol qoldanylmasa, nemese durys qoldanylmasa qoǵamda mindetti túrde jaǵymsyz áser týyndatady. Ondaı mysaldar jetkilikti. Endi «Jol júrisi týraly» Zań máse­le­lerine oralsaq, Parlament Úkimetke onyń bekitilýine ne úshin jarty jyl merzim bergenin eske túsireıik (sonymen birge, qazirgi kezde zańnyń kóńil tolmaýshylyq týyndatyp otyrǵan osy erejesin qoldanýǵa ázirlik úshin Úkimettiń negizdelgen ótinishi bolsa, odan da kóp beriler edi). Bul jarty jyl atqarýshy organdarǵa tıisti mem­lekettik organdar zań talaptaryn iske asyrý jónindegi uıymdastyrý, tehnıkalyq, túsindirý jáne basqa da ázirlik sharalaryn qabyldaý úshin berilgen bolatyn. Degenmen, kórip otyrǵanymyzdaı, bul jumystar atqarylǵan joq. Parlament Úkimettiń jáne ortalyq organdardyń mindetterin ajyratý jónindegi birqatar zańdar qabyldady, onda mınıstrlikter men vedomstvolardyń ókilettikteri eleýli túrde keńeıtildi jáne olardyń qyzmetindegi tapsyrylǵan ýchaskelerge basshylarynyń derbes jaýapkershiligi bekitildi. «Jol júrisi týraly» Zańnyń 10-babynyń 3) tarmaqshasyna sáıkes, quqyqtyq turǵyda aǵartý jáne halyqty habardar etý máseleleri Ishki ister mınıstrligine bekitilgen bolatyn. Biraq qoǵam ómiri úshin osyndaı mańyzdy zań qabyldanǵannan keıin ýákiletti organdar Jolda júrý erejesin ázirleýmen jáne ony Úkimetke engizýmen shekteldi. Ol, tipti, barlyq ázirlik jumystaryn almastyratyndaı kórindi. О́zderi de jıi shatasa otyryp jáne ony qalaı oryndaýdy jete túsinbeı bir sátte jurtshylyqqa talaptardy qoıa bas­tady. Nátıjesinde zańdy qabyldaǵan Parla­ment depýtattary men qaýlyny qabyl­daǵan Úkimet barlyq jaǵymsyz pikirdi estýge májbúr boldy. Bul zań ereje­lerin iske asyrýǵa tıisti ázirlik jumys­taryn qamtamasyz etpegen ýákiletti mem­le­kettik organdardyń qanaǵattanǵysyz jumystarynyń saldary edi. Osyǵan baılanysty Úkimetke atalǵan másele boıynsha óz qaýlysyn ázirleýdi usynamyn. Ázirlik kezeńi ótip ketkenimen eshteńe istelmegendigin jáne zańnyń kúshine engendigin eskere otyryp, bul erejelerdi birte-birte engizýdiń erejesin ázirleý kerek. Tehnıkalyq, uıymdastyrý, túsindirý sharalary qaýipsizdiktiń tehnıkalyq quraldarmen, onyń ishinde balalarǵa arnalǵan avtooryntaqtarmen birinshi kezekte jabdyqtalýy tıis avtokólik túrleri aıqyndalatyn ustanymdy qoldana otyryp qamtamasyz etilýi, sondaı-aq, osy talaptar qoldanylmaýǵa tıisti avtokólik tizimi belgilenýi tıis. Máselen, mynadaı avtokólik túrlerine: qalalyq jerlerde balalardy turaqty túrde tasymaldaıtyn jeke avtokólik ıelerine; halyqaralyq reısterge shyǵatyn taksılerge balalarǵa arnalǵan avtooryntaqpen) jabdyqtalýǵa tıisti talaptardy bekitýdi usynamyn. Bul talaptar balalardy turaqty tasymaıtyn qalalyq taksı jáne qyzmet kólikterine qoldanylmaýǵa tıisti. Sondaı-aq, avtooryntaqtarmen jab­dyqtaý úshin avtokóliktiń tehnıkalyq múmkindikterin de eskerý kerek. Máselen, avtomobılge tehnıkalyq sıpaty boıynsha júrgizýshimen birge 5 adam (ıaǵnı, 4 jolaýshy) otyra alatyn bolsa, avto­oryntaqtar ornatylǵannan keıin kólikpen sonshama jolaýshy tasymaldaýǵa bolmaıtyny, óıtkeni, bári birdeı syımaıtyny túsinikti. Bul talaptardyń, ásirese, kópbalaly otbasylarǵa tikeleı qatysy bar. Sondyqtan jol ınfraqurylymynyń jaǵdaıyn, kólik tasqyndarynyń tyǵyz­dyǵyn, eldi mekenderdiń túrlerin (elorda, oblystyq, aýdandyq mańyzy bar qalalar, selo, aýyl, jáne t.b. sıpattaryn) eskerý kerek bolady. Jol polısııasy qyzmetkerleriniń kásibı daıarlyq deńgeıimen qatar (olardy qaıta attestattaýdan ótkizýge deıin), zań talaptaryn bilýine ǵana emes, zańmen qorǵalǵan azamattar quqyqtaryn saqtaýyna da erekshe nazar aýdarylýy tıis. Dýlat QUSDÁÝLETOV, Senat depýtaty.

Eli erin umytpaq emes

«Egemen Qazaqstan» 2014 jylǵy 27 jeltoqsandaǵy nómirinde Májilis depýtaty Jeksenbaı Dúısebaevtyń bıyl týǵanyna 100 tolýyna baılanysty memleket qaıratkeri Jumabek Tá­shenov­tiń mereıtoıyn laıyqty atap ótý jáne jastar úlgi tutar esimin este qaldyrý máseleleriniń qalaı sheshi­letindigin surap, Premer-Mınıstr Kárim Másimovke joldaǵan saýaly týraly «Jarqyn esimin jadymyzdan shyǵarmaıyq» degen maqala jarııalaǵan edi. Sol saýalǵa jýyrda jaýap kelipti. Onda Jumabek Táshenov­ke qatysty buryn at­qa­rylǵan birshama sharalar terilipti. Sonyń ishinde 1997 jyly Oń­tústik Qazaqstan obly­sy­nyń Arys qalasyndaǵy orta mektepke, sondaı-aq, Astana men Almaty qalalarynyń orta­lyq kóshelerine onyń esimi beril­gendigi aıtylypty. Al jaqynda jasalatyn sharalar qatarynda Soltústik Qazaqstan ob­lysynyń ákimdigi Petropavl qala­syndaǵy №20 qazaq orta mektebine onyń esimin berý týraly usynys jasaǵany jáne ol Úkimet janyndaǵy res­pýblıkalyq onomastıka komıs­sııasynda qaralyp, oń sheshim tapqany, qorytyndysy Soltústik Qazaqstan oblysynyń ákimdigine joldanǵany jet­kizilipti. Endi bıyl atalmysh mektepke esil erdiń esimi beriler degen úmit bar. Jumabek Táshenov uzaq jyldar boıy Soltústik Qazaqstan oblysynda basshylyq qyzmetter atqaryp, aımaqtyń áleýmettik-ekonomıkalyq damýyna óziniń zor úlesin qosqany belgili. Sony­­men qatar, ol – ulttyq qun­dy­­lyqtardyń saqtalýyna, qazaq kadrlarynyń ósýine ba­tyl­­dyqpen kómek jasap, yq­pal etken jan. Onyń ójet qı­myldy eren isterdi atqara bil­gen­digin soltústikqazaqstan­dyq­tar kúni búginge deıin qurmet­pen eske alyp otyrady. Osy oblystan J.Táshenov Aq­tóbe oblysy obkomynyń birin­shi hatshylyq qyzmetine ósip ketken edi. Sondyqtan da sol­tús­tik­qazaq­stan­dyq­tar­dyń onyń esimin este qaldyrý maqsatynda atqaryp jatqan isteri óte oryndy dep bilemiz. Sondaı-aq, 100 jyldyq mereıtoıdy atap ótý sheńberinde byltyrǵy 28 sáýirde týǵan jeri Astanadaǵy №10 mek­tep-gımnazııaǵa Jumabek Táshenov esimin berý týraly máse­le qala­­lyq onomastıka komıs­sııa­­synda qaralyp, oń she­shim qabyldanypty. Premer-Mı­nıstrdiń jaýa­bynda endi Astana qalasy ákimi men qalalyq máslıhattyń birlesken sheshiminiń jobasy ázirlenip, ol sessııanyń qaraýyna engiziletindigi týraly aıtylypty. Sóıtip, 100 jyldyq mereıtoıdyń qarsańynda mektep-gımnazııaǵa Jumabek Táshenov esimi berilip qalatyn shyǵar. Jaýapta erdiń eskertkishin ornatý tý­raly másele qozǵal­ma­ǵan. Alaıda, bir kez­d­e oǵan da qol jetkiziler degen úmit zor. Jaqsybaı SAMRAT, «Egemen Qazaqstan».

Fotokúndelik

Sýretterdi túsirgen Erlan Omarov.