Ábilqaıyr hannyń qoljazbasy

Atyraý oblystyq sotynyń murajaıyna qoıyldy Shejireli tarıhtyń qundy jádi­gerleriniń jóni bólek qoı. Atyraý ob­lystyq sotynda ashylǵan murajaıǵa bıler tórelik etken kezeńnen bergi sot bıliginiń qalyptasýynan syr sher­tetin jádigerler molynan qoıylǵan. Murajaıdan sot bıligin iske asyrýǵa qatysty túrli qujattardy, jarlyqtar men qylmystyq isterdiń jazbalaryn kórýge bolady. Sonymen qatar, ár jyl­dary jumys jasaǵan sýdıalardyń kıim­deri men tósbelgilerin, mórleri men basqa tutynǵan zattaryn kórýge bolady. Sarǵaıa bastaǵan eski fotosýretter de, sııa saýyt pen patefon da, dıskili telefon men terý mashınkasy da, Samsung markaly alǵashqy kompıýter de atalǵan murajaıdyń tarıhı jádigerine aınalypty. Mundaǵy qundy ári tarıhı jádigerdiń biri retinde Ábilqaıyr hannyń 1731 jyly Reseı ımperatory Anna Ioannovnaǵa arnap jazǵan hatyn aıtýǵa bolady. Hannyń haty jazylǵannan beri kóp ýaqyt ótse de saqtalýynda min joq. Joldasbek ShО́PEǴUL, «Egemen Qazaqstan». Atyraý oblysy.