Oqıǵa • 26 Tamyz, 2024

Alaıaqtyq jasaǵan bank qyzmetkeri Reseıden ekstradısııalandy

84 ret

kórsetildi

1 mın

oqý úshin

Qazaqstan Bas prokýratýrasy asa iri kólemde alaıaqtyq jasaǵany úshin qylmystyq jaýapkershilikke tartý maqsatynda Qazaqstan azamatshasyn Reseı Federasııasynan ekstradısııalady, dep habarlaıdy Egemen.kz.

Qyrmyzy JUMAǴALIQYZY

Alaıaqtyq jasaǵan bank qyzmetkeri Reseıden ekstradısııalandy

Foto: prokuratura.govkz

Tergeý barysynda anyqtalǵandaı, 2019-2022 jyldar aralyǵynda kúdikti Taraz qalasyndaǵy bank fılıalynyń qyzmetkeri bola otyryp, bank klıentteriniń atynan olarǵa nesıe rásimdegen. Ári qaraı bank klıentteriniń shottaryna qol jetkizgen kúdikti nesıe qarajatyn dostarynyń esepshotyna aýdaryp, keıin ony qolma-qol aqshaǵa aınaldyrǵany belgili boldy.

«Qylmystyq áreketter nátıjesinde bank klıentterine 60 mln teńge kóleminde zalal keltirilgen. Qylmys jasaǵannan keıin ol jasyrynyp, halyqaralyq izdeýge jarııalanǵan. Bıylǵy jyldyń sáýir aıynda fıgýrant Krasnodar ólkesiniń aýmaǵynda ustaldy», delingen habarlamada.

Qazirgi tańda kúdikti ýaqytsha ustaý ızolıatoryna qamalǵan. Kúdiktige bes jyldan on jylǵa deıingi merzimge bas bostandyǵynan aıyrý jazasy qarastyrylǵan.

Aıta keteıik, osy jyly qylmystyq áreketteri 350-den astam jábirlenýshige jalpy somasy 7 mıllıard teńgege jýyq shyǵyn keltirgen alaıaqtyq jasaǵany úshin izdeýde júrgen 11 adam Reseıden Qazaqstanǵa ekstradısııalandy.