ASTANA. 23 qańtar. Qurlyqtyq hokkeı lıgasynda oınaıtyn astanalyq «Barys» óz aıdynynda Novosıbırskiniń «Sıbırin» 3:2 esebimen jeńdi. Bul týraly egemen.kz habarlady.
«Barys» oıyndy birden shabýylmen bastady. «Qazaqstan» sport keshenine jınalǵan jankúıerler 9-mınýtta qaqpaǵa alǵash engen shaıbanyń kýási boldy. Kezekti shabýyldyń birinde Konstantın Pýshkarevtan pas alǵan Talǵat Jaılaýov esep ashyp, komandasyn alǵa shyǵardy.
Arada 6 mınýt ótpeı jatyp, nátıjeli pas shyǵarǵan Pýshkarev oıyn sońyna deıin aıdynnan qýyldy. Tóreshiniń mundaı sheshim qabyldaýyna Kostıanyń qarsylas komanda oıynshysynyń basyna óte qaýipti soqqy jasaýy sebep boldy. Osy jaıttan keıin, erejege sáıkes bizdiń komanda 5 mınýttyq aıyp ýaqytyn aldy. Sondaı-aq, atalmysh qaqtyǵysqa qatysqany úshin qos komandadan da bir oıynshydan eki mınýtqa aıdynnan qýyldy. Soǵan sáıkes, komandalar qaqpashyny sanamaǵanda 3:4 formatynda oınaýǵa májbúr boldy. Dáliregi, qonaqtar oıynshylar sany jaǵynan basymdyqqa ıe bolǵan edi. Atalmysh múmkindikti múlt jibermegen sibirlikter 16-mınýtta PatrıkHerslıdiń kómegimen esepti teńestirip ketti.
Ekinshi kezeńde oıyn teń jaǵdaıda órbidi. Eki tarap ta bir márteden oıynshylar sany boıynsha basymdyqqa ıe bolǵanymen, tablodaǵy esep ózgermedi. Tek, úziliske 3 mınýt qalǵan kezde reseılik komanda sapynan Stepan Sannıkov mergendigimen kózge túsip, «Sıbır» 1:2 esebimen alǵa shyqty.
Sońǵy sheshýshi kezeńde Andreı Nazarov baptaıtyn komanda aıanyp qalmady. Kezdesýdiń 48-mınýtynda tóreshi «Sıbır» sapynan D.Kýrgıshevti taıaǵyn óte joǵary kótergeni úshin eki mınýtqa aıdynnan qýdy. О́zderine berilgen múmkindikti utymdy paıdalanǵan «Barys» hokkeıshileri Nıkolaı Antropovtyń arqasynda tarazy basyn teńestirdi. Nátıjeli shabýylǵa uıytqy bolǵandar Roman Starchenko men Kevın Dallmen ekenin aıta keteıik.
Arada eki mınýt ýaqyt ótpeı jatyp R.Starchenkonyń da «»qanjyǵasy maılandy». Qorǵaýshy Maık Landınniń kók jolaqtyń boıynan jasaǵan soqqysyn «Sıbır» qaqpashysy A.Salak qaıtarǵanymen, der kezinde qajet jerden tabylǵan Roman esepti eselep, komandasyna mańyzdy jeńis syılady. Bul Romannyń osy maýsymdaǵy 19-shaıbasy.
Negizi atalmysh oıyn óte dóreki ótti. Ony qos komandadan alty oıynshydan eki mınýttyq aıyp ýaqytymen jazalanǵanynan kórýge bolady. Sondaı-aq, oıynda soǵylǵan bes shaıbanyń úsheýi komandalar basymdyqqa ıe bolǵan kezde júzege asty.
Osy jeńisinen keıin «Barys» Shyǵys konferensııasyndaǵy 6-ornyn saqtap qaldy. Qorjynymyzda ázirge 72 upaı bar. Kelesi oıyndy 28 qańtar kúni óz aıdynymyzda reseılik «Severstalǵa» qarsy ótkizemiz.
Al bizben birge Shyǵys konferensııasynda oınaıtyn sibirlikterge bul jeńilis aıtarlyqtaı aýyr tıdi deýge negiz joq. Sebebi, bizden 20 upaıy kóp olar konferensııanyń týrnır kestesinde 4-orynǵa nyq taban tirep tur.
Elaman Qońyr.
Derek: egemen.kz.
Sýret: hcbarys.kz.
