Inklıýzıvti qoǵam qurý – ádilet qaǵıdaty

Konferensııa paras­port­tyń ınklıýzııa salasyna bere­tin tyń áseri jáne ony keńi­nen qoldaný máselelerine arnaldy. Qazaqstan bochcha federasııasynyń prezıdenti is-sharaǵa qatysýshylarǵa iltıpat bildirip, Paralım­pıada oıyndary qarsańynda osyndaı aýqymdy jıyn uıymdastyrǵany úshin IýNESKO-nyń basshylyǵy men ókilderine alǵysyn jet­kizdi. Sondaı-aq ol mundaı bastama erekshe qajettiligi bar adamdardy qoldaýǵa jáne osy alańda ınklıýzııa má­denıetin dáripteýdiń kele­shegin talqylaýǵa zor múmkin­dik beretinin atap ótti. Máý­len Áshimbaev bul sala Qazaq­standa keıingi jyldarda eli­mizde Memleket basshysy Qasym-Jomart Toqaevtyń bastamasymen júrgizilip jatqan reformalardyń basym baǵyttarynyń birine aınalyp, aıryqsha mańyzǵa ıe bolǵanyn da atap ótti.

Konferensııada keshendi qol­daýdy qajet etetin múm­kindigi shekteýli adamdardy ońal­tý máse­lesine basa mán berildi. Senat tóraǵasy atap ótkendeı, bul baǵyt­ta medısınalyq aspektilerge ǵana basymdyq berip qoımaı, erekshe qajettiligi bar azamattardy jumysqa ornalastyrý, sondaı-aq olarǵa ózderiniń shyǵarmashylyq áleýetin júzege asyrýǵa, sapaly bilim alýǵa, qoǵam ómirine belsendi aralasyp, memlekettik basqarý isine qatysýǵa tolyq jaǵdaı jasaý asa mańyzdy.

«Qazaqstanda memlekettik saıa­satta ınklıýzıvti tásilderdi iske asyrýǵa basa mán berilip keledi. El Prezıdenti Qasym-Jomart Toqaevtyń bastamasymen júrgizilip jatqan jańǵyrtýlar ádilettilik qaǵıdatyna taban tireıdi. Barshaǵa teń múmkindik beretin ınklıýzıvti qoǵam qurmaı ol qaǵıdatqa qol jetkize almaımyz. Bizdiń maqsatymyz – erekshe qajettiligi bar azamattar betpe-bet keletin problemalardy sheshý jolynda dástúrli qaıyrymdylyq­tyń jáne medısınalyq qoldaý­dyń aıasynan shyǵý. Biz olar­dyń qoǵamǵa beıimdelýine jáne ómirden óz oryndaryn tabýyna jańa serpin bere­tin tıimdi ekojúıe qalyp­tas­tyrýdy kózdep otyrmyz», degen Qazaqstan bochcha federasııasynyń prezıdenti Qazaqstan zańnamasyndaǵy ınkl­ıý­zıvti bilim berýdi damytýǵa, áleý­mettik kásipker­likti qoldaýǵa jáne múgedektigi bar adamdardyń ómir súrý sapasyn jaqsartýǵa arnalǵan ózgeristerge toqtaldy.

Halyqaralyq konferensııa barysynda BUU-nyń bas hat­shy­sy Antonıo Gýterrısh, IýNESKO-nyń bas dırektory Odrı Azýle, Halyqaralyq paralımpıada komıtetiniń prezıdenti Endrıý Parsons jáne taǵy basqalar sóz sóıledi.

Sonymen qatar Máýlen Áshimbaev Halyqaralyq paralımpıada komıtetiniń prezıdenti Endrıý Parsons­pen kezdesti. Taraptar paralım­pıadalyq sport túrlerin odan ári damytýǵa qatysty ózekti máselelerdi talqylap, pikir almasty. Suhbat kezinde Senat tóraǵasy Qazaqstanda erekshe qajettiligi bar adamdardy qoldaý men parasportty damytý úshin qandaı sharalar qolǵa alynyp jatqanyn aıtty.

«Qazaqstan Prezıdenti Qasym-Jomart Toqaev paralımpıadalyq sportty damytýǵa jáne parasportshylarymyzdy jan-jaqty qoldaýǵa basa mán berip keledi. Bizdiń elde 60 myńǵa jýyq azamat paralımpıadalyq sport túr­lerimen shuǵyldanady. Olardyń myńǵa jýyǵy Ult­tyq quramaǵa múshe. Búgin­de Qazaqstanda 19 para­lım­pıadalyq sport túri qarqyn­dy damyp otyr. Osy oraıda bizdiń Halyqaralyq paralımpıada komıtetimen serik­testigimiz elimizde paralım­pıadalyq sport túrlerin damytý jolynda aıryqsha mánge ıe» dep, Máýlen Áshimbaev Qazaq­stan bochcha federasııasynyń qyz­meti týraly sóz qozǵady.

Sonymen qatar Senat tór­aǵasy IýNESKO-nyń bas dırek­tory Odre Azýlemen kezdesti. Kezdesý barysynda Almatyda BUU О́ńirlik bıýro­sy­men jumysty jandan­dyrý, rýhanı dıplomatııa­ny ilgeriletý, Ornyqty damý maqsattaryna qol jetkizý jáne taǵy basqa kópjosparly ózara is-qımyldy arttyrý má­se­leleri áńgimege arqaý boldy.

«Memleket basshysy­nyń tapsyrmasymen XVII Paralımpıada oıyndaryna Qazaqstan delegasııa­syn bastap kelý – men úshin zor mártebe. Bizdiń elde parasporttyń ekojúıesin damytýǵa úlken kóńil bólinip otyr. Qazaqstan sport jáne bilim berý salalaryndaǵy aýqymdy saıasat aıasynda para­sport­qa da basymdyq beretin ult­tyq strategııa­lar ázirlep jatyr. Biz IýNESKO-nyń barshanyń spor­tqa teń qoljetimdiligin qam­­tamasyz etýge qosqan úle­sin joǵary baǵalaımyz. Bul rette Fit for life sport – О́mir úshin sport flagmandyq bas­tamasyn aıryqsha atap ótken jón», degen Máýlen Áshimbaev naqty salalardaǵy yntymaqtastyqtyń mańyzdy ekenine nazar aýdardy.

Odrı Azýle ózara is-qı­myl­dy arttyrýǵa múddeli eke­nin aıtyp, Qazaqstanda júze­ge asyrylyp jatqan refor­malar men zańnamalyq ózge­ris­terdiń tıimdiligin atap ótti.

Aıta keteıik, Qazaqstan paralımpıada quramasy Parıjde ótetin XVII Jazǵy paralımpıada oıyndarynyń ashylý saltanatyna qatysady. Dúbirli doda 8 qyrkúıekke deıin jalǵasady. Jarysqa 182 elden kelgen 4 400-ge jýyq sportshy qatysyp jatyr. Olar barlyǵy 549 medal jıyntyǵyn sarapqa salady.

Qazaqstan ulttyq qura­masy bul Oıyndarǵa sport­tyń 9 túri­nen 33 joldama jeńip aldy. Naq­ty aıtqanda, otandyq atletter para jeńil atletıka, parapa­ýerlıftıng, parataekvondo, para ústel tennısi, parajúzý, para­dzıýdo, parakanoe, para oq atý jáne otyryp oınaıtyn voleıboldan synǵa túsedi. Osy rette qazaqstandyq parasportshylar para ústel tennısi men parakanoe­den Paralımpıadaǵa alǵash ret qatysyp jatqanyn aıta ketken jón.