Memleket pen qoǵam ómiriniń negizin aıqyndaıtyn Konstıtýsııada azamattardyń múddesine, quqyǵy men bostandyǵyna aıryqsha nazar aýdarylǵan. Sondyqtan Qazaqstanda júzege asyrylyp jatqan barlyq aýqymdy ózgeristiń maqsaty – halyqtyń ál-aýqatyn jaqsartý.
2022 jylǵy konstıtýsııalyq reformanyń nátıjesinde jan-jaqty demokratııalandyrý úderisi bastaldy, saıası júıeni jańǵyrtýǵa jaǵdaı jasaldy. Quqyq qorǵaý ınstıtýttarynyń jáne Adam quqyqtary jónindegi ýákildiń mártebesi kóterildi. Sondaı-aq Konstıtýsııalyq sot quryldy. Bul mekeme qazir elimizde zań ústemdigin ornyqtyrýǵa barynsha yqpal etip otyr.
Konstıtýsııanyń ádil ári berekeli qoǵamnyń tiregi sanalatyn zań men tártipti qamtamasyz etý jolyndaǵy róli nyǵaıa tústi.
Azamattardyń negizgi zańymyzdy qurmettep, onyń talaptaryn buljytpaı oryndaýy – naǵyz otanshyldyqtyń jáne joǵary jaýapkershiliktiń aıqyn kórinisi. Biz Konstıtýsııada bekitilgen qasterli qundylyqtarǵa súıene otyryp, barshaǵa birdeı múmkindik beretin Ádiletti Qazaqstandy birge quratynymyzǵa kámil senemin.
Ár shańyraqqa baq-bereke, tolaıym tabys tileımin!
