Foto: inform.kz
«Qurmetti otandastar!
Barshańyzdy elimizdiń mereıli merekesi – Konstıtýsııa kúnimen shyn júrekten quttyqtaımyn!
Konstıtýsııa – elimizdiń ata zańy, memlekettiligimizdiń myzǵymas tuǵyry. Baıtaq Otanymyzdyń baıandy damýyn, qoǵamdyq qurylysy men basty ustanymdaryn aıqyndaıtyn qasterli qujaty.
Eldigimizdiń altyn arqaýyna aınalǵan Ata zańnan bastaý alǵan san-salaly zańnama memleketimizdiń damylsyz damýyna, úzdiksiz ósýine udaıy jol ashyp keledi. El Prezıdenti Qasym-Jomart Toqaevtyń zaman suranysyna saı júrgizgen konstıtýsııalyq reformalary búginde óz jemisin berip otyr. Bul barshaǵa birdeı múmkindik usynyp, árbir azamattyń quqyǵy qorǵalatyn Ádiletti Qazaqstandy qurýǵa berik negiz qalady.
Áıgili ǵulama Júsip Balasaǵun aıtqandaı, «Ádil zań – tiregiń». Ata zańymyz eldik pen ádilettiliktiń tiregi bolyp, árdaıym memleketimizdiń aıbyny men abyroıyn asqaqtata bersin.
Elimiz aman, jurtymyz tynysh bolsyn!», delingen quttyqtaýda.
