Foto: Aqtóbe oblysy ákimdigi
Oblys ákimdiginiń habarlaýynsha, aýmaǵy 80 sharshy metrdi quraıtyn ár úı avtonomdy jylytýǵa arnalǵan sanıtarlyq toraptar men qazandyqtardy qosa alǵanda, zamanaýı qondyrǵylarmen jabdyqtalǵan. Jańa qonys ıelerine kilt tapsyrǵan Aqtóbe oblysynyń ákimi Ashat Shaharov apattan zardap shekken turǵyndarǵa memleket pen jeke kásipkerlerden kómek ýaqytyly berilgenin atap ótti.
«Biz tasqyn sýdan keıin basymyzǵa túsken qıyndyqqa beı-jaı qaramaǵan kásipkerlerge oblysymyzdy qalpyna keltirýge qosqan úlesteri úshin alǵys bildiremiz. Bolat О́temuratov qorynyń demeýshiligimen zardap shekkenderdi turǵyn úımen qamtamasyz etý boıynsha atqarylǵan jumystar qıyn kezeńderde birigýdiń qanshalyqty mańyzdy ekenin kórsetti. Qalypty ómirge oralǵan jańa qonys ıeleriniń qýanyshy bizdiń óńirimizdiń ıgiligi úshin ári qaraı yntymaqtastyqta jumys isteýge jigerlendiredi», dep atap ótti Ashat Shaharov.
Jańa baspana kiltin alǵandardyń kópshiligi ýaqytsha týystarynyń úıinde nemese páter jaldap kelgen.
«Sý tasqyny kezinde úıdiń ishine kirgen sý 20 santımetrge deıin kóterildi, biz qolymyzda bar dúnıemizdi bir sátte joǵalttyq. Mesenattar men memlekettiń qoldaýynyń arqasynda jańa úıge kirip jatyrmyz, jańa úmit paıda boldy. Kórsetilgen kómekke óte rızamyz. Bizge úı unady, qurylys prosesin baqylap, basy-qasynda boldyq. Úıimizde jylytý jáne sanıtarlyq toraptardy qosa alǵanda, jaıly ómir súrý úshin bári bar», dedi Qobda aýdanynyń turǵyny Jadyra Aıapbergenova.
Qor dırektory Marat Aıtmaǵambetov zardap shekken otbasylardy qoldaýdyń qanshalyqty mańyzdy ekenin atap ótti.
«Biz árqashan qıyn sátterde adamdarǵa qoldaý kórsetýge tyrysamyz. Baspanasyz qalý - kez kelgen adam úshin aýyr synaq. Bizdiń mindetimiz jaıly jáne sapaly úılerdi ýaqytyly salý ǵana emes, sonymen qatar adamdardyń qalypty ómirge oralýyna, bolashaqqa degen senimdilikti qalpyna keltirýine kómektesý boldy», dedi ol.
Aıta keteıik, jaqyn kúnderi qor taǵy da aýdandaǵy 30 úıdiń kiltin tabystaıdy, bul Aqtóbe oblysynda 400-den astam otbasyn turǵyn úımen qamtamasyz etý boıynsha aýqymdy jobany tolyǵymen aıaqtaýǵa múmkindik beredi. Buǵan deıin óńir turǵyndaryna Aqtóbe qalasynan 106 páter jáne oblystyń túrli aýdandarynan 162 úı berilgen.
Jalpy alǵanda, Bolat О́temuratov qorynyń kompanııalar toby Qazaqstandaǵy sý tasqynynan zardap shekkenderge kómek retinde shamamen 12,5 mlrd teńge bólgen. Onyń 10 mlrd teńgeden astamyn qaıyrymdylyq qory bergen, al «Kar-Tel» jáne RG Gold kompanııalary árqaısysy 1 mlrd teńgeden úles qosqan.
