ASTANA. 24 qańtar. Búkilálemdik boks serııasynda el namysyn qorǵaıtyn «Astana arlandary» qonaqta «Polsha atty áskerlerimen» («HussarsPoland») jekpe-jek ótkizip, 3:2 esebimen jeńiske jetti. Bul týraly egemen.kz habarlady.
Tartys Polshanyń Lıýbın qalasynda ótti. Aldymen sharshy alańǵa 52 kılo salmaq dárejesindegi boksshylar kóterildi. «Arlandar» sapynan Oljas Sáttibaev shyqsa, alań qojaıyndary Zamza Týba esimdi sańlaqtaryna senim artypty. «Á» degennen Oljas tizgindi qolyna aldy. Tipti, óz úıinde aıqasyp jatqandaı Sáttibaev Týbanyń túgin qaldyrmady. Nátıjesinde, tóreshiler quramy biraýyzdan qazaq jigitiniń jeńisin moıyndap, qorjynymyzǵa alǵashqy upaıdy saldy. Qos boksshy arasyndaǵy resmı kórsetkishke keler bolsaq,Oljas 3:0 (50:45, 48:47, 49:46) esebimen basym tústi. Sáttibaev ótken jylǵy el birinshiliginde top jaryp, osyndaı syn saǵatta ózine senim artýǵa bolatynyn dáleldegen boksshy.
Kelesi bolyp 60 kılodaǵy boksshylarǵa kezek keldi. Bul salmaqta bizdiń namysymyzdy Zákir Safıýllın qorǵady. Polshalyqtar oǵan qarsy san márte óz eliniń úzdigi atanǵan Davıd Mıhelýs esimdi myqtyny daıyndapty. Zákir «arlandar» qataryna jaqynda qosyldy. Sondyqtan bul onyń resmı jarystardaǵy alǵashqy jekpe-jegi. Al Mıhelýs kásipqoı rıngte tóselip qalǵan boksshy. Degenmen, bizdiń «arlan» qarsylasynyń ataq-dańqynan esh qaımyqqan joq. Alaıda, tóreshilerdiń sheshimimen jeńis «atty áskerdiń» enshisinde ketip, tarazy basy teńesti. Bul tartysta da 3:0 (48:47, 48:47, 48:47) esebi tirkeldi. Tek bizdiń paıdamyzǵa emes.
Úshinshi bolyp 69 kılodaǵy sańlaqtar saıys alańyna shyqty. Atalǵan salmaqta «arlandar» qatarynda álem chempıony (Almaty, 2013 j.) Danııar Eleýsinovtiń de bar ekeni belgili. Degenmen, osy joly mamandar Polshaǵa Madııar Áshkeevti aparýdy uıǵarypty. Madııar qarsylasy Stıven Djerard Donellımen sońǵy sátke deıin judyryqtasqanymen, polshalyqtyń sheberligi bir saty joǵary turdy. Soǵan sáıkes, tóreshiler bul saıysta Donellıdiń paıdasyna 3:0 (48:47, 49:46, 49:46) esebin tirkedi. Iаǵnı, jalpy esepte alań ıeleri 2:1 esebimen alǵa shyqty.
Eger bizdiń jigitter bul kezdesýde jeńilis tabar bolsa, otandyq bokssúıer qaýymǵa aýyr tıer edi. Sebebi, olar Marat Jákıev jattyqtyratyn komandamyzdyń «atty áskerlerden» ońaı aılasyn asyratynyna bek senimdi bolǵan. Jankúıerlerdiń sol senimin «arlandar» sapyndaǵy qos legıonerimiz aqtady. Aldymen 81 kılodaǵy Hrvoe Sep qarsylasy Mateýsh Trysty jeńdi. Atalmysh jekpe-jekte Trystyń tek sońǵy kezeńderde ǵana osaldyq tanytyp, tizgindi Hrvoegeberip qoıǵanyn aıta keteıik. Berilgen múmkindikti múlt jibermegen Horvatııadan kelgen «arlan» tartysty 2:1 (47:48, 48:47, 48:47) esebimen óz paıdasyna aıaqtady.
Osymen qos komanda arasyndaǵy jekpe-jekte ekinshi ret tarazy basy teńesti. Iаǵnı, asa aýyr salmaqtaǵy (+91 kılo) sońǵy shaıqas sheshýshi bolmaq. Sol sebepti, qos tarap ta ózderi senim artqan sportshylaryna aqyl-keńesterin aıtyp, sharshy alańǵa qoıa berdi. Bizdiń jaqtan Hrvoeniń otandasy Fılıpp Hrgovıch shyqty. Qarsy taraptyń namysyn Pavel Verjbıskı esimdi boksshy qorǵady. Jankúıerler «qos alyptyń tartysy», «naǵyz shaıqas endi bolady» dep taqym qysyp, qıqýǵa basqanymen, Hrgovıch olardyń senimderin sý sepkendeı basty. Sebebi, jarys jolyna shyǵa salysymen tizginge ıe bolǵan «arlanymyz» Verjbıskıdi bilgeninen jańyldyrdy. Barlyq kezeńde de basym bolǵan Fılıpp 3:0 (50:44, 50:43, 50:44) esebimen jeńiske jetip, komandamyzǵa mańyzdy jeńis syılady.
Jańa maýsymdy qatarynan eki jeńispen bastaǵan «Astana arlandary» qazirgi tańda 6 upaımen óz tobynda kósh bastap tur. Kelesi jekpe-jek 31 qańtar kúni syrt alańda ázerbaıjandyq «Baký ottary» komandasyna qarsy ótedi.
Elaman Qońyr.
Derek: egemen.kz.
Sýret: facebook.com.
ASTANA. 24 qańtar. Búkilálemdik boks serııasynda el namysyn qorǵaıtyn «Astana arlandary» qonaqta «Polsha atty áskerlerimen» («HussarsPoland») jekpe-jek ótkizip, 3:2 esebimen jeńiske jetti. Bul týraly egemen.kz habarlady.
Tartys Polshanyń Lıýbın qalasynda ótti. Aldymen sharshy alańǵa 52 kılo salmaq dárejesindegi boksshylar kóterildi. «Arlandar» sapynan Oljas Sáttibaev shyqsa, alań qojaıyndary Zamza Týba esimdi sańlaqtaryna senim artypty. «Á» degennen Oljas tizgindi qolyna aldy. Tipti, óz úıinde aıqasyp jatqandaı Sáttibaev Týbanyń túgin qaldyrmady. Nátıjesinde, tóreshiler quramy biraýyzdan qazaq jigitiniń jeńisin moıyndap, qorjynymyzǵa alǵashqy upaıdy saldy. Qos boksshy arasyndaǵy resmı kórsetkishke keler bolsaq,Oljas 3:0 (50:45, 48:47, 49:46) esebimen basym tústi. Sáttibaev ótken jylǵy el birinshiliginde top jaryp, osyndaı syn saǵatta ózine senim artýǵa bolatynyn dáleldegen boksshy.
Kelesi bolyp 60 kılodaǵy boksshylarǵa kezek keldi. Bul salmaqta bizdiń namysymyzdy Zákir Safıýllın qorǵady. Polshalyqtar oǵan qarsy san márte óz eliniń úzdigi atanǵan Davıd Mıhelýs esimdi myqtyny daıyndapty. Zákir «arlandar» qataryna jaqynda qosyldy. Sondyqtan bul onyń resmı jarystardaǵy alǵashqy jekpe-jegi. Al Mıhelýs kásipqoı rıngte tóselip qalǵan boksshy. Degenmen, bizdiń «arlan» qarsylasynyń ataq-dańqynan esh qaımyqqan joq. Alaıda, tóreshilerdiń sheshimimen jeńis «atty áskerdiń» enshisinde ketip, tarazy basy teńesti. Bul tartysta da 3:0 (48:47, 48:47, 48:47) esebi tirkeldi. Tek bizdiń paıdamyzǵa emes.
Úshinshi bolyp 69 kılodaǵy sańlaqtar saıys alańyna shyqty. Atalǵan salmaqta «arlandar» qatarynda álem chempıony (Almaty, 2013 j.) Danııar Eleýsinovtiń de bar ekeni belgili. Degenmen, osy joly mamandar Polshaǵa Madııar Áshkeevti aparýdy uıǵarypty. Madııar qarsylasy Stıven Djerard Donellımen sońǵy sátke deıin judyryqtasqanymen, polshalyqtyń sheberligi bir saty joǵary turdy. Soǵan sáıkes, tóreshiler bul saıysta Donellıdiń paıdasyna 3:0 (48:47, 49:46, 49:46) esebin tirkedi. Iаǵnı, jalpy esepte alań ıeleri 2:1 esebimen alǵa shyqty.
Eger bizdiń jigitter bul kezdesýde jeńilis tabar bolsa, otandyq bokssúıer qaýymǵa aýyr tıer edi. Sebebi, olar Marat Jákıev jattyqtyratyn komandamyzdyń «atty áskerlerden» ońaı aılasyn asyratynyna bek senimdi bolǵan. Jankúıerlerdiń sol senimin «arlandar» sapyndaǵy qos legıonerimiz aqtady. Aldymen 81 kılodaǵy Hrvoe Sep qarsylasy Mateýsh Trysty jeńdi. Atalmysh jekpe-jekte Trystyń tek sońǵy kezeńderde ǵana osaldyq tanytyp, tizgindi Hrvoegeberip qoıǵanyn aıta keteıik. Berilgen múmkindikti múlt jibermegen Horvatııadan kelgen «arlan» tartysty 2:1 (47:48, 48:47, 48:47) esebimen óz paıdasyna aıaqtady.
Osymen qos komanda arasyndaǵy jekpe-jekte ekinshi ret tarazy basy teńesti. Iаǵnı, asa aýyr salmaqtaǵy (+91 kılo) sońǵy shaıqas sheshýshi bolmaq. Sol sebepti, qos tarap ta ózderi senim artqan sportshylaryna aqyl-keńesterin aıtyp, sharshy alańǵa qoıa berdi. Bizdiń jaqtan Hrvoeniń otandasy Fılıpp Hrgovıch shyqty. Qarsy taraptyń namysyn Pavel Verjbıskı esimdi boksshy qorǵady. Jankúıerler «qos alyptyń tartysy», «naǵyz shaıqas endi bolady» dep taqym qysyp, qıqýǵa basqanymen, Hrgovıch olardyń senimderin sý sepkendeı basty. Sebebi, jarys jolyna shyǵa salysymen tizginge ıe bolǵan «arlanymyz» Verjbıskıdi bilgeninen jańyldyrdy. Barlyq kezeńde de basym bolǵan Fılıpp 3:0 (50:44, 50:43, 50:44) esebimen jeńiske jetip, komandamyzǵa mańyzdy jeńis syılady.
Jańa maýsymdy qatarynan eki jeńispen bastaǵan «Astana arlandary» qazirgi tańda 6 upaımen óz tobynda kósh bastap tur. Kelesi jekpe-jek 31 qańtar kúni syrt alańda ázerbaıjandyq «Baký ottary» komandasyna qarsy ótedi.
Elaman Qońyr.
Derek: egemen.kz.
Sýret: facebook.com.
