Foto: kursiv.media
Májilismenniń aıtýynsha, ushaqqa dombyra alyp kirýge tyıym salý - áýe kompanııalarynyń ulttyq rámizge, qundylyqtarǵa degen mensinbeýshiliktiń kórinisi. Sondaı-aq ol árbir óner ókiliniń ushaqqa dombyra alyp kirýge quqyǵy bolýy kerek dep esepteıtinin málimdedi.
Kólik vıse-mınıstri Sátjan Ablalıev óz jaýabynda áýe kemeleriniń bortynda mýzykalyq aspaptardy tasymaldaý olardyń kólemine baılanysty ekenin eske saldy. Keıbir quraldardy zamanaýı ushaqtardyń sórelerine qoıý múmkin emestigin, sondyqtan osyndaı túsinbeýshilik týyndaıtynyn tilge tıek etti.
«Qazirgi kúni áýe kompanııalarymen birlesip, osy sharýany qalaı sheshýge bolady degen másele talqylanyp jatyr. Kerek bolǵan jaǵdaıda júkti tasymaldaý, qol júgin tasymaldaý sharttaryna ózgeris engizýge daıyndalyp jatyrmyz», dedi Sátjan Ablalıev.
