Foto: ortcom.kz
Zań jobalary tutynýshylardyń quqyqtaryn qorǵaýdyń qoldanystaǵy ádisterin jetildirý úshin ázirlengen.
Negizgi zań jobasy arqyly tutynýshylardyń quqyqtaryn qorǵaý jónindegi ombýdsmen ınstıtýty engiziledi. Ol tutynýshylarǵa konsýltasııalyq kómek kórsetýge, olardyń quqyqtary men zańdy múddelerin qorǵaý úshin sotqa talap qoıýǵa, sondaı-aq ózge de fýnksııalardy oryndaýǵa quqyly. Ony qyzmetke taǵaıyndaý jáne qyzmetten bosatý ýákiletti organ (Saýda jáne ıntegrasııa mınıstrligi) basshysynyń quzyryna beriledi. Ombýdsmen 4 jyl merzimge saılanady jáne óz qyzmetin erikti negizde (aqysyz) júzege asyrady.
Sonymen qatar sotqa deıingi satyda tutynýshylardyń talaptaryn oryndamaǵan kásipkerlerge aıyppul salynady.
Jańa zań jobasy tutynýshylardyń shaǵymdarymen jumys isteýdi jeńildetedi. Endi olar óz quqyqtaryn qorǵaý, tikeleı sotqa talap aryz berý, satýshyny jaýapqa tartý úshin memlekettik organǵa habarlasý nemese arbıtrajǵa, medıatorǵa nemese qoǵamdyq tutynýshylar birlestikterine, qaýymdastyqtarǵa, ombýdsmenge júginý boıynsha tańdaý jasaı alady.
Kásipker tutynýshynyń talaptaryn óz erkimen oryndamasa, sot satýshydan (daıyndaýshydan, oryndaýshydan) aıyppul óndire alady. Aıyppul talap aryz somasynyń 10 paıyzynan 50 paıyzyna deıingi mólsherde qarastyrylady (talap somasy neǵurlym az bolsa, aıyppul soǵurlym kóp bolady).
