foto: Instagram/qazsport_official
Bul Degtıarevtiń ekinshi altyny. Eske salaıyq, otandasymyz 2020 jyly Tokıoda ótken Paralımpıada oıyndarda alǵash ret jeńiske jetken.
Dál qazir jelide Degtıarevtyń vıdeosy tarap júr. Onda chempıon ózine úmit artqan barsha el azamatyna rızashylyǵyn bildirgen.
«Men úshin duǵa etken, sengen jáne úmit artqandardyń barlyǵyna úlken rahmet. Meni ósirgen, bilim bergen tamasha otbasyma, jaqyndaryma myń alǵys», dedi Davıd Degtıarev.
Sportshy bapkerine de ystyq yqylasyn arnady.
«KSP-ke, «Mergen» klýbyna, bastyq Ulanǵa, meniń bapkerim Iýrıı Nıkolaevıch Kolesnıkovke, Qazaqstan halqyna myń alǵys», dedi ol.
Al búgin, 5 qyrkúıekte Degtıarevti el Prezıdenti Qasym-Jomart Toqaev quttyqtady. Memleket basshysy Davıd Degtıarev tamasha nátıje men myzǵymas qaırat kórsetkenin tilge tıek etti.
